रुप गुरुङले चुमे लुम्बिनी लिग पूल टुर्नामेन्टको उपाधी

कोरियामा रहेको ख्वाङ्ग्वेन पूल क्लब (GPC)ले आयोजना गरेको लुम्बिनी लिग पूल टुर्नामेन्टको उपाधी रुप गुरुङले चुमेका छन् । उक्त टुर्नामेन्टको अन्तिम प्रतिद्वन्द्धी पासाङ शेर्पालाई फाईनलमा ६-५ सेटको अग्रता लिदै पाखा लगाएका गुरुङले उक्त उपाधी हात पार्दै नगद बिस लाख कोरियन वोन सहित आकर्षक ट्रफी प्राप्त गरेका हुन् ।

सो टुर्नामेन्टमा दोश्रो स्थान हासिल गर्न सफल पासाङ शेर्पाले दश लाख वोन सहित ट्रफी प्राप्त गरे भने तेश्रो स्थान हासिल गरेका शिव लिम्बुले पाँच लाख वोन सहित मेडलमा चित्त बुझाए । प्रतियोगिता भरी जिवन सिङ्जाली मगर उत्कृष्ट खेलाडी घोषित हुँदै आकर्षक ट्रफी र गिफ्ट ह्याम्पर प्राप्त गरे । तेज गुरुङको संयोजकत्वमा सञ्चालित उक्त प्रतियोगितामा जम्मा ६४ जनाले भाग लिएका थिए । गत डिसेम्बर महिनाबाट शुरु भएको सो प्रतियोगितामा टाईसीटको आधारमा चरणबद्ध रुपमा खेल सञ्चालन गरिएको थियो ।

मैत्रीपूर्ण र सौहार्दपूर्ण वातावरणमा सम्पन्न सो प्रतियोगिताले खेलाडी र दर्शकहरुमा मनोरञ्जन मात्र नभएर एक आपसमा बन्धुत्व र आपसी सम्बन्ध कसिलो बनाएको संयोजक तेज गुरुङले बताए । कोरोनाको संक्रमणको कारण अन्य प्रत्यक्ष कार्यक्रम गर्न असमर्थ रहेको र नेपाली प्रवासीहरुको मनोस्थितिलाई प्रतियोगिताको माध्यमबाट नेपालीपन र अपनत्वको भावना अझ मझबुत बनाएको लुम्बिनी रेष्टुरेन्टकी सञ्चालिका परी गुरुङले बताईन् ।

कोरियामा नेपाली समुदायविचको अहिले सम्मकै ठूलो पुरस्कार राशी रहेको र शुभेच्छुकहरुको सहयोग रहेको सो लुम्बिनी लिग पूल टुर्नामेन्टको पहिलो पुरस्कार ट्रफीका लागी प्रविण गुरुङ (रापकोटे), दोश्रो पुरस्कार राशी दश लाख कोरियन वोनका लागी लुम्बिनी रेष्टुरेन्ट, तेश्रो पुरस्कार राशी पाँच लाख कोरियन वोनका लागी माया मार्ट र एचडी मोबाईल दोङ्देमुनले सौजन्य गरेका थिए । पूल बल सौजन्यमा मिलन मगर र तुरन बहादुर गुरुङ, आकर्षक गिफ्ट ह्याम्पर सौजन्यमा GMONEY ट्रान्सफर, पोष्टर/ब्यानरका सौजन्यमा DJ RX र बेष्ट प्लेयर ट्रफीका सौजन्य सुशील श्रेष्ठ रहेका थिए ।