मुन्माक एनएफसी र जेछन एनएफसी विचको मैत्रीपूर्ण फूटबल प्रतियोगितासँगै खेलाडी सुनिल राईको विदाई सम्पन्न
कोरियाको मध्य पूर्वी भेगमा रहेको मुन्माक र जेछन क्षेत्रमा रहेका नेपाली फूटबल टिम मुन्माक एनएफसी र जेछन एनएफसी विच गत आइतबार मैत्रीपूर्ण फूटबल प्रतियोगिता सम्पन्न भएको छ । मुन्माक स्थित एक खेलमैदानमा भएको उक्त प्रतियोगितामा मुन्माकले जेछन विरुद्ध ३-२ गोलको अग्रता लिदै निर्धारित समयमा सकिएको खेलमा मुन्माक एनएफसी विजेता बनेको हो ।
जेछनका खेलाडी किशोर लिम्बुले दुई गोल गरे पनि मुन्माकको तर्फबाट टिम कप्तान सुनिल राईले एक गोल र समीर लिम्बुले दुई गोल गर्दै खेलमा मुन्माक अग्रता लिएको थियो । एक आपसमा सद्भाव, आत्मीयता र मैत्रीभाव अभिबृद्धि गर्ने अभिप्रायले आयोजित दुई फूटबल टिम विच नभएर दुई क्षेत्रमा रहेका नेपालीहरुको सम्बन्ध प्रगाढ बनाउने उद्धेश्यले उक्त प्रतियोगिता आयोजना गरिएको हो । यसै अवसरमा मुन्माक कोरिया बसाईलाई बिट मार्दै केही दिनमा स्वदेश प्रस्थान गर्दै गरेको एनएफसीका टिम कप्तान सुनिल राईको शुभयात्राको कामना सहित सम्मान तथा विदाई कार्यक्रम पनि जोडिएको थियो ।
मुन्माक र जेछन विचकै पहिलो मैत्रीपूर्ण फूटबल प्रतियोगिता भएको र प्रतियोगिता अति नै सौहार्दपूर्ण वातावरणमा सम्पन्न भएको र उत्तिकै उत्साहजनक भएको वन्जु मुन्माक मैत्री समाजका अध्यक्ष विष्णु खत्रीले बताए । कोरोना कहरले जनजीवन सामान्य हुँदै गईरहेकोले यो खाले प्रतियोगितामा निरन्तरता हुने अपेक्षा र विश्वास सोही संस्थाका स
ल्लाहकार सन्तोष गुरुङले थपे ।
