कोरियामा २१औं विश्व आदिबासी दिवस अगस्त ९ मा मनाइने

फोनिज कोरिया संवाददाता

सोल – नेपाल आदिबासी जनजाती महासंघ गणतन्त्र कोरियाले हरेक वर्ष मनाउदै आएको विश्व आदिबासी दिवस यहि अगस्त ९ तारिख आइतबारका दिन मनाइने भएको छ | महासंघको यहि जुलाई १९ तारिख भक्त शेरचनको अध्यक्षतामा बसेको बिशेष बैठकले उक्त निर्णय गरेको हो |

यति बेला नेपालमा संबिधान निर्माणको प्रक्रियामा प्रमुख ४ दल बीच भएको १६ बुदे सहमति पश्चात संविधानको मस्यौदा जनताको सामु प्रस्तुत गर्दै सुझाब संकलन कार्य अगाडी बढिरहेको छ | यो प्रारम्भिक मस्यौदा संबिधान ,अन्तरिम संबिधानको व्यवस्था भन्दा पछाडी हटेको छ |

बिगतमा नेपाल आदिबासी जनजाती महासंघ र आदिबासी जनजाती सरोकारवालाहरुसंग भएको सम्झौताहरुको बिपरित छ र पहिलो संबिधान सभामा सहमति भएका बिषयहरुको स्वामित्व ग्रहण गर्ने भन्ने यो दोस्रो संबिधान सभाको प्रारम्भिक निर्णयबाट पनि बिचलित भएको छ | समग्र मा भन्नु पर्दा यस मस्यौदा संविधानले परम्परागत विभेदकारी ,उत्पीडक तथाकथित उच्च जातीय राज्य सत्तालाई परिबर्तित सन्दर्भमा नया ढंगले सबै संबैधानिक किल्ला बन्दि गरी सुरक्षित राख्न खोजेको छ |

यस्तो प्रपन्च को डटेर मुकाबिला गर्नुको विकल्प छैन | नेपाल आदिबासी जनजाती महासंघको पहलमा संबिधान सभामा रहेका विभिन्न राजनीतिक दलका आदिबासी जनजाती सभासद हरुले फरक मत राखी सकेका छन् | यसलाई व्यापक समर्थन जुटाउन सबैमा हार्दिक अनुरोध गर्दछौं |

आदिबासी जनजातिका माग दाबी मुद्दाहरु त्यतिमा मात्र सिमित छैनन् भन्ने कुरामा कुनै विवाद छैन तसर्थ कोरियामा रहेका नेपाली आदिबासी जनजातीहरुले पनि आफ्नो हक अधिकार प्राप्तिका निमित्त दबाब सृजना गर्नको लागि आन्दोलन र संघर्षकै रुपमा यो २१ औँ विश्व आदिबासी दिवस मनाउन लागिएको हो | कोरियामा रहेका सबै संघ संस्था तथा नेपाली समुदायलाई कार्यक्रममा उपस्थित भईदिनु हुन संस्थाले अनुरोध गरेको छ |
मिति:२०१५ अगस्त ९ तारिख आइतबार

समय: दिनको १ बजे

स्थान : नेपाल हाउस , वान्नाम दोंग सागरी सोल

पुनश्च : नेपाल आदिबासी जनजाती महासंघ कोरियाको चौथों अधिबेसन यहि २०१५ अगस्त ३० तारिख आयोजना गर्ने निर्णय गरिएकोले सम्बन्धित महानुभाबहरुले सदस्यता नबिकरण र नया सदस्यता लिनु हुन पनि अनुरोध गरिएको छ |