कोरियामा चौथो बुद्ध जयन्ती फुटसल प्रतियोगिता आयोजना हुने

राम बहादुर तामाङ, कोरिया

स्थापनाकाल देखि कोरियामा नेपालीहरु बीच बुद्ध जयन्तीको अवसर पारेर फुटसल प्रतियोगिता गर्दै आएको तामाङ घेदुङ ख्यङ्साङ् बुसान शाखा दक्षिण कोरियाले नेपाली नयाँ बर्ष २०८० साल तथा बुद्ध जयन्तीको अवसरमा मे २८ तारिखमा चौथो बुद्ध जयन्ती फुटसल कप आयोजना गर्ने भएको छ।

부처님은 네팔에서 태어났습니다. (Buddha Was Born In Nepal) भगवान गौतम बुद्ध नेपालमै जन्मेका हुन् भन्ने सन्देश विश्व समक्ष पुगोस् भन्ने उद्धेश्य र विदेशी भुमिलाई कर्मथलो बनाई व्यस्तताको वाबजुद पनि फुटबल खेलप्रति रुचि तथा पेशा बनाउने खेलाडीहरुलाई प्रतियोगिताले उत्साही तथा खेल प्रति थप विकास गर्नेछ र नेपाली दाजुभाईहरु बिचको आपसी सुमधुर सम्बन्ध तथा भाईचारा बढाउन प्रतियोगिताले ठूलो भुमिका खेल्ने जानकारी संस्थाका अध्यक्ष सोम योञ्जनले दिनुभएको छ ।

गत वर्ष झैं प्रतियोगिता मर्यादित, निष्पक्ष र फुटसलको अन्तर्राष्ट्रिय नियम अनुसार खेलाइने प्रतियोगिताका संयोजक तथा संस्थाका उपाध्यक्ष जिनस लामा तामाङले जानकारी दिनुभएको छ चौथो बुद्ध जयन्ती फुटसल प्रतियोगितालाई सफल बनाउनुहुन लागि कोरियामा रहेको सम्पुर्ण संघसंस्थाहरु, फुटबल क्लबहरु तथा सम्पुर्ण खेलप्रेमी खेलाडीहरुलाई आयोजक संस्थाले सहभागिताका लागि अनुरोध गरेको छ । गत वर्षको तेश्रो बुद्ध जयन्ती फुटसल प्रतियोगितामा विजेता ग्रीन नेपाल एफसी भएको थियो भने उपविजेता नाम्जी एफसी रहेको थियो । कार्यक्रम बारे बिस्तृत जानकारी केहि दिन पछि प्रकाशित गरिने आयोजकले बताएको छ ।