छाङवनमा ८ राष्ट्रबिच फुटसल प्रतियोगिता सम्पन्न
ख्यङनाम माइग्रेन्ट सेन्टरले आयोजना गरेको विदेशीहरुबिच भएको फुटसल प्रतियोगिता आइतबार सम्पन्न भएको छ । छाङवनको फुटबल स्टुडियममा आयोजित राष्ट्रिय फुटसल प्रतियोगितामा नेपाल, पाकिस्तान, चीन, इन्डोनेसिया, मंगोल, भियतनाम, कम्बोडिया र म्यान्मार गरी ८ राष्ट्रले भाग लिएका थिए ।
ख्यङसाङनाम्दोमा बसोबास गर्ने विदेशीहरुबिच मित्रता कायम गर्दै उनीहरुको प्रतिभा प्रदर्शन गर्ने अवसर प्रदान गर्ने हेतुले आयोजना गरिएको उक्त प्रतियोगितामा आठ राष्ट्रका खेलाडीहरुले आआफ्नो देशको झण्डा फहराउदै प्रतिष्पर्धा गरेका थिए । उक्त प्रतियोगितामा ख्यङनाम नेपाली समाजकातर्फबाट नेपाली टिम (ग्रीन नेपाल एफसी)ले सहभागिता जनाएको थियो ।
प्रतियोगितामा भियतनामले च्याम्पियनसिपको उपाधी जित्न सफल भएको थियो भने मंगोल दोस्रो, कम्बोडिया तेस्रो र नेपाल चौथो स्थानमा रह्यो । उक्त प्रतियोगितामा नेपालले फाइनलको नजिक पुगेर कम्बोडियासंग २/० गोल अन्तरले पराजय ब्यहोर्नु परे पनि नेपाली टिमका खेलाडीहरुले उत्कृष्ट खेल प्रदर्सन गरेका थिए ।
