लोटस ल्याट्रन फेस्टिभल यहि मे २० र २१ मा, शान्ती र्यालीमा बौद्ध परिवार सहभागी हुने
दक्षिण कोरियामा प्रत्येक बर्ष झैँ यस वर्ष पनि लोटस ल्याट्रन फेस्टिभल यहि मे २० र २१ तारिखमा हुने भएको छ । २५६७ औ बुद्ध जयन्तिको अवसरमा हुने उक्त लोटस ल्याट्रन फेस्टिभलमा नेपाल बौद्ध परिवार कोरियाले ‘लुम्बिनी ल्याट्रन रथ तथा शान्ति पदयात्रा’ गर्ने भएको छ ।
यस अघि पनि प्रत्येक वर्ष बौद्ध परिवार कोरियाको नेतृत्वमा नेपालीहरू सहभागी हुँदै आएको थियो। बुद्ध नेपालमा जन्मेको भन्ने नारा बोकेर बुद्धको जन्म स्थान सम्बन्धी भ्रमलाई हटाउने मुख्य उदेश्य रहेको जनाएको छ । नेपालको गौरव बुद्धको देश र सगरमाथाको देश भनि पर्यटक प्रवदनमा पनि यसले अहम भूमिका खेल्ने विश्वास बौद्ध परिवारका अध्यक्ष पेमा कुन्साड लामाको रहेको छ। यसै मूल उदेश्यको साथ सन् १९९५ देखि नेपाल बौद्ध परिवार दक्षिण कोरियाले कोरियामा विभिन्न गतिविधिहरू संचालन गर्दै आएको छ ।
विश्व बौद्ध मार्गीहरूको एक मात्र UNESCO Cultural Heritage Of Humanity बाट मान्यता प्राप्त ‘Lotus Lantern Lighting Festivals’ मा हामी नेपालीको तर्फ बाट कुनै पनि देशको भन्दा विशेष हुनु पर्ने बौद्ध परिवारले जनाएको छ ।
बौद्ध मार्गी र भगवान गौतम बुद्ध सँग समर्पित यस पवित्र लोटस ल्याट्रन फेस्टिभलमा सबै नेपालीको हातेमालोको लागि अध्यक्ष पेमा कुन्सांग लामाले आह्वान गरेका छन्।
यस पालि र्यालीको लागि विशेष तयारी जुटाई रहेको जानेको छ । र्यालीमा सहभागी सम्पूर्ण नेपाली साथीभाईहरूलाई कार्यक्रम अझ सुदृढ र व्यवस्थित बनाउन नेपाल बौद्ध परिवार दक्षिण कोरियाले बौद्ध परिवारको टिसर्टको व्यवस्था गरिएको छ । सहभागी सबैले टिसर्ट अनिवार्य लगाइनु पर्ने र संस्थालाई सहयोग स्वरूप केही रकम सहायोग गर्नुपर्ने नेपाल बौद्ध परिवार दक्षिण कोरियाका सचिव दावा रिन्जीन लामाले बताएको छ ।
कार्यक्रम बारे थप जानकारी
