लोकसेवा तैयारी गरिरहेका लिम्बूहरुलाई चुम्लुङ बुसान शाखाले एक लाख रुपैँया प्रदान गर्ने
लिम्बुहरूको सामाजिक संस्था किरात याक्थुङ चुम्लुङ बुसान कोरिया शाखाले लोकसेवा तयारी गरिरहेका लिम्बुहरूलाई प्रोत्साहन रकम प्रदान गर्ने भएको छ ।
५० लाख वनको अक्षय कोष निर्माण गरी लोकसेवा तयारी गरिरहेका ५ जना लिम्बुहरू लाई जनही २० हजार रुपैयाँको दरले प्रदान गरिने कियाचु बुसान शाखाका अध्यक्ष सन्जोग कन्दङवाले बताए ।
सरकारी सेवामा समुदायगत चासो अभिवृद्धि गराउने उद्देश्यले प्रोत्साहन रकम प्रदान गर्न लागिएको हो ।
लोकसेवा तयारी कक्षाको प्रोत्साहन रकम प्राप्त गर्नको लागि लोकसेवा परीक्षाको आवेदन दिएको र हाल सम्म कुनै सेवा तथा जागीरमा नभएको हुनु पर्ने र लिम्बू समुदायकै हुनु पर्ने प्रावधान रहेको समेत उनले बताए ।
अध्यक्ष कन्दङ्वाका अनुसार सोही अक्षय कोष मार्फत लिम्बू समुदायको गरीब तथा जेहेन्दार विद्यार्थीहरु लाई एक लाख रुपैयाँको छात्रवृत्ति र लिम्बू समुदायमा विशिष्ट योगदान दिएका व्यक्तिलाई एकलाख रुपैयाँ राशिको कियाचु बुसान पुरस्कार समेत प्रदान गरिनेछ । 
