दक्षिण कोरियामा राष्ट्रव्यापी नागरिक रक्षा अभ्यास

उत्तर कोरियासँग बढ्दो तनावको वीचमा दक्षिण कोरियाले बुधबार ६ बर्ष पछि पहिलो राष्ट्रव्यापी नागरिक रक्षा अभ्यास गरेको छ । भारि बर्षाका कारण प्रभावित भएको अभ्यास उत्तर कोरियाले आक्रमण गरे कसरी बच्न सकिन्छ भनेर गर्ने गरिएको छ ।
कोरियाली समय दिउँसो २ बजेको सुरु भएको अभ्यास २० मिनेटको चलेको थियो । अभ्यास मानिसहरुले आपातकालीन समयमा प्रयोग गर्न तोकिएको आश्रय वा भूमिगत सुरक्षित ठाउँहरूमा गएका थिए । कोरियाले देशै भरि १७ हजार ठाउँहरुलाई आपतकालिन प्रयोग गर्ने ठाउँको रुपमा तोकेको छ । कोरियालीहरु माझ चर्चित मोबाइल एपहरु काकाओ, नेभर, टिम्यापमा यस्ता ठाउँहरु कहाँ छन् भनेर हेर्न सकिन्छ ।
नागरिक सुरक्षा अभ्यासको समयमा, चालकहरूले सडकमा गाडी नगुडाउन र रेडियो निर्देशनहरू पालना गर्न भने पनि धेरै ठाउँमा गाडीहरु भने गुडेका थिए । रेलका स्टेशनका ढोकाहरु बन्द गरिएका थिए । यात्रूहरु २० मिनेटसम्म स्टेशनमै बसेका थिए । सोल र अन्य प्रमुख शहरहरूमा धेरै सडकहरू अभ्यासको लागि बन्द गरिएको थियो ।
आपातकालिन आश्रय स्थलमा बस्दा के कसरी जोगिन सकिन्छ भनेर फोन म्यासेज, रेडियो र टिभी मार्फत जनतालाई सुचना दिएको थियो । धेरै मानिसहरुले फोनमा बजेको आपातकालीन अर्लट, रेडियो र टिभीको वास्ता भने गरिएको देखिएन । पैदल यात्रुहरु गन्तब्यका लागि हिडिरहेको देखिन्थ्यो ।
अस्पताल, एयरलाइन्स, रेलवे, सबवे र व्यावसायिक समुद्री यातायात लगायतका अत्यावश्यक सेवाहरू नागरिक सुरक्षा अभ्यास गरिएको थिएन । केही समय अघि भारी वर्षाका कारण प्रकोप क्षेत्रका रूपमा तोकिएका क्षेत्रहरूलाई पनि अभ्यासमा सहभागी हुन नपर्ने कोरियाली गृह मन्त्रालयले जनाएको थियो ।
यो अभ्यास गर्ने निर्णय उत्तर कोरियाले अन्तरमहादेशीय ब्यालिस्टिक मिसाइल प्रक्षेपण गरेको एक महिनापछि आएको छ, जसले किम जोङ उनको नेतृत्वमा तीव्र रूपमा विकसित मिसाइल कार्यक्रममा महत्वपूर्ण प्रगतिको रुपमा हेरिएको छ । राजधानी सोल, दुई कोरियालाई अलग गर्ने शैन्यगतिविधि शुल्य क्षेत्र डीएमजीबाट ५० किलोमिटर दूरीमा छ । उत्तर कोरियासँग दक्षिण कोरिया मात्र नभएर अमेरिकासम्म नै मार हान्न सक्ने क्षेप्यास्त्रको विकास गरिसकेको विस्वास गरिन्छ ।
नागरिक रक्षा अभ्यास पहिलो पटक १९७५ मा कम्युनिस्ट विरोधी सैन्य तानाशाहीको अवधिमा शुरू भएको थियो । सन् १९९० को दशकमा दक्षिण कोरिया भएको आर्थिक विकाससँगै उत्तर कोरियाली विरोधका रुपमा मात्रै यस्तो अम्यास हुँदै आएका छ । कोरियाली राष्ट्रपतिको कार्यकाल भरि उत्तर कोरियालाई हेर्ने नीति कस्तो बन्छ भन्ने कुरा पनि यस्ता अभ्यासहरुबाट देखाउँछ ।
आजभोली धेरै दक्षिण कोरियालीहरूले प्योङयाङले आक्रमण गरि हाल्छ भन्नेमा विस्वास गर्दैनन् । दुई देशवीच अहिलेसम्म औपचारिक युद्धविराम भएको छै्रन । सन् १९५० देखि १९५३ सम्म युद्ध भएको थियो । यो युद्धमा दुबै कोरियाका लाखौ मानिसको मृत्यू भएको थियो । अमेरिका, बेलायत, चीन लगाएतका अन्य देशका सैनिक पनि युद्धमा मारिएका थिए ।