राप्ती समाजको छुसक डान्स पार्टी सेप्टेम्बर २८ मा हुने
कोरियाको राजधानी सउलमा सेप्टेम्बर २८ तारिक अर्थात् छुसकको पहिलो दिन डान्स पार्टी २०२३ हुने भएको छ । राप्ती समाज दक्षिण कोरियाद्धारा सउल नजिकै सुविधा सम्पन्न हल (성동 나이트 클럽 (서울특별시 중구 흥인동 15 번) मा उक्त कार्यक्रम आयोजना गरिने भएको हो ।
कोरियाको DJ को क्षेत्रमा प्रख्यात सबैखाले मिक्स संगीत बजाउन माहिर DJ CMAN र DJ Tshering को फिचरिङ रहेको सो कार्यक्रम बेलुका ९ बजेदेखि रातभरि सञ्चालन हुने आयोजक संस्थाका अध्यक्ष अमृत केसीले जानकारी दिए । सउलको ट्रेन Line Number 2/6 신당역 Exit 1/12 बाट कार्यक्रम हल पुग्न सकिने र गायत्री थापाको होस्टिङ रहने सो कार्यक्रम सुरक्षाको सवालमा पूर्णत: संयमित रहेर कोरियन बाउन्सरको व्यवस्था सहित सम्पूर्ण तयारी गरिएको संस्थाका निवर्तमान अध्यक्ष ओमलाल ओलीले बताए ।
B&S Group को विशेष सहयोग रहेको राप्ती समाज दक्षिण कोरियाद्धारा आयोजित सो कार्यक्रममा सहभागी भई कार्यक्रम सफल बनाईदिनुहुन सम्पूर्ण नेपाली दाजुभाई तथा दिदीबहिनीहरुमा आयोजकले हार्दिक अनुरोध गरेको छ ।
