मकवानपुर म्युजिकल सो–२ को टिकट जिमनि ट्रान्सको एपमा पाइने
मकवानपुर म्युजिकल सो–२ को टिकट अब अनलाइनमा ‘जिमनि ट्रान्स’ को मोबाइल एपमा पाउने भएको छ । कोरियाबाट नेपाल लगायत धेरै देशहरूमा रेमिट्यान्स पठाउने कम्पनी जिमनि ट्रान्सको एपबाट अब सजिलै टिकट काट्न सक्ने भएको हो । शुक्रवार दोङ्देमुन प्रधान कार्यालयमा आयोजक संस्था मकवानपुर कोरिया मञ्चका अध्यक्ष सूर्य रुम्बा, महासचिव शुभराज भोम्जन र जिमनिका सिईओ किम जोङ मु, नेपाली प्रतिनिधि सन्जोक चौहान, आइटी इन्जिनियर भेस क्षेत्री र शुशिल खनालसँगको छलफलबाट सम्झौता भएको महासचिव भोम्जनले बताए । जिमनि ट्रान्स मकवानपुर म्युजिकल सो–२ को प्रायोजक पनि हो । प्रायोजक जिमनि ट्रान्सले कार्यक्रमको लागि सम्पर्क कार्यालय दोङ्देमुनमा उपलब्ध गराएको छ ।
त्यस्तै कार्यक्रमको सयममा यातायातको समेत व्यवस्था गराइने सम्झौता भएको महासचिव शुभराज भोम्जनले जानकारी दिए । दोङ्देमुनबाट कन्सर्ट स्थल ‘चिल्ड्रेन ग्रान्ड पार्क’ रेल स्टेसनसम्म पुग्नका लागि निःशुल्क बसको व्यवस्था हुने छ । मकवानपुर कोरिया मञ्चले कोरियन चाड ‘छुसक’को अवसरमा यही सेप्टेम्बर २९ गते कोरियामा ‘सेल्टर’ स्थापना गर्ने उद्देश्यले साङ्गीतिक कार्यक्रम गर्दै छ । प्रचारप्रसारको लागि सुजन चापागाईँको ब्यान्डको भिडियो फुटेज राखेर भिडियो प्रोमो पनि सामाजिक सन्जालमा सार्वजनिक गरेको छ ।
