काभ्रे सम्पर्क समितिको अधिवेशन सम्पन्न, अध्यक्षमा सुमन चौलागाई
काभ्रे सम्पर्क समितिको सातौं अधिवेशन सम्पन्न भएको छ । विहिबार सौल साङ्सु स्थित यती रेस्टुरेन्ट एण्ड बारमा भएको अधिवेशनबाट सुमन चौलागाई अध्यक्षमा सर्वसम्मतिले निर्वाचित भएका छन् ।
अध्यक्ष प्रकाश योञ्जनको सभापतित्वमा भएको औपचारिक कार्यक्रममा प्रमुख अतिथीको रुपमा नेपाली राजादुतावासको प्रतिनिधित्व गर्दै तृतीय सचिव संगम खत्रीको उपस्थिती रहेका थिए । विशिष्ट अतिथीहरुमा एन. आर. एन. ए. दक्षिण कोरियाका माहासचिव केशव थापा, एम टि यू का अध्यक्ष उदय राई तथा एन सि सि कोरियाको प्रतिनिधीको उपस्थित रहेको थियो । त्यसैगरी विशेष अतिथीको रुपमा बागमती प्रदेश एकता समाज दक्षिण कोरियाको अध्यक्ष बिपी पौड्याल तथा कोरियामा रहेका भिनिन्न क्षेत्रीय तथा जातीय संस्थाहरुको प्राधिनिधहरु अतिथीको रुपमा उपस्थित भएका थिए ।
कार्यकममा सहभागि सबैले काभ्रे सम्पर्क समिती दक्षिण कोरियाले गरेको सामाजिक कार्यहरुको खुलेर प्रशंसा गरेका थिए ।
साथै संस्थाले दक्षिण कोरियामा रहेर भिविन्न क्षेत्रमा विशेष योगदान दिएकाहरुलाई सम्मान गरेको छ । सम्मानित हुनेहरुमा एम टि यू कोरियाका अध्यक्ष उदय राई, एन.आर.एन.ए. दक्षिण कोरियाका माहासचिव केशव थापा, काभ्रे संपर्क समितिको पुर्व अध्यक्षहरु सानु लामा र सिताराम तिमीलसिना रहेका छन् । त्यस्तै सञ्चार क्षेत्रमा योगदान दिएको भन्दै फोनिज कोरिया र विशाल आवाजलाई पनि संस्थाले सम्मान गरेको छ ।
अधिवेशनको बन्दसत्रबाट चौलागाईको अध्यक्षतामा निर्वाचित नयाँ कार्यसमितिको बरिष्ठ उपाध्यक्षमा सुष्मा थापा निर्वाचित भएका हुन् भने उपाध्यक्षहरुमा नवराज तिम्लिसिना र अजय लामा रहेका छन् । महिला उपाध्यक्षमा देवीमाया चौलागाई, सचिवमा हिमाल स्याङ्तान, सह-सचिवमा राजेन्द्र प्रधान र कोषाध्यक्षमा आशिष तामाङ तथा सह-कोषाध्यक्षमा प्रीयतन श्रेष्ठ रहेका छन् । त्यसैगरी सदस्यहरुमा नारायण घिमिरे, सूर्य ब्लोन तामाङ, दिनेश गौतम र केशवमान तामाङ रहेका छन् ।
