दोस्रो हिमालयन मुगुक कप फुटसलको उपाधि फारान एफसीले जित्यो

अमिर योञ्जन । दोस्रो हिमालयन मुगुक कप फुटसल प्रतियोगिताको उपाधि फारान फुटबल क्लबले जितेको छ । फाइनलमा निर्धारित समयमा फारानले मुगुकसँग ४–२ को गोल अन्तरले जित निकालेको हो ।

आइतबार दक्षिण कोरियाको छुङ्छङबुक्दोको ओम्सङ पार्कको फुटसल मैदानमा भएको प्रतियोगितामा लगातार जितसँगै फारानले उपाधि चुम्न सकेको हो । विजेता टिमले नगद तीस लाख वन, ट्रफी, मेडल र प्रमाणपत्र प्राप्त गरेका छन् । उपविजेता नगद बीस लाख वन, ट्रफी, मेडल र प्रमाणपत्र प्राप्त गरेका छन् ।

प्रतियोगितामा विजेता टिम फारान एफसीकै उत्कृष्ट खेलाडी लुकास गोले र उत्कृष्ट गोल रक्षक भुवन जंङ कार्कीले नगद १ लाख कोरियन वनसहित क्रमशं गाेल्डेन बुड र गाेल्डेन पन्जाबाट  समान भएका छन् ।

‘दोस्रो हिमालयन मुगुक कप फुटसल प्रतियोगिता–२०२४’ हिमालयन मुगुक फुटबल क्लबद्वारा प्रतियोगिता आयोजना गरेको थियो । प्रतियोगितामा जम्मा ३२ समुह सहभागी भएका थिए ।