मनसरा चलचित्रको आयव्यय सार्वजनिक , चुम्लुङ कोरिया २ करोड ७३ लाख वन नाफामा
किरात याक्थुङ चुम्लुङ दक्षिण कोरियाले प्रदर्शन तथा वितरण गरेको मनसरा चलचित्रको आयव्यय सार्वजनिक गरेको छ। सिरिजङ्गा लिपि युनिकोड निर्माण सहयोगार्थ मनसरा चलचित्र गत महिना कोरिया भरी प्रदर्शन गरिएको थियो।
चुम्लुङ कोरियाले एक विज्ञप्ति जारी गर्दै चलचित्र प्रदर्शन र वितरणबाट २ करोड ७३ लाख ८४ हजार वन नाफा भएको जनाएको छ। ४ करोड ७५ लाख १९ हजार ५ सय ५५ कोरियन वन बराबरको कारोबार गरेकोमा २ करोड १ लाख ३५ हजार १ सय ७० कोरियन खर्च भएको आर्थिक प्रतिवेदनमा उल्लेख गरिएको छ ।
मनसरा चलचित्रबाट संकलित रकम सिरिजङ्गा लिपिको युनिकोड निर्माणार्थ प्राविधिक पक्षमा खर्च गरिने भएको छ। यथासिघ्र चुम्लुङ कोरिया , बुसान, जेजुदो, छल्लादो शखा चुम्लुङ र चुम्लुङ नेपालको एक संयुक्त समिति निर्माण गरेर युनिकोड निर्माणलाई मूर्तरुप दिइने चुम्लुङ कोरियाका अध्यक्ष दिर्ज काङ्भाले जानकारी दिएका छन्।
कवि तथा निर्देशक उपेन्द्र सुब्बाको निर्देशनमा बनेको चलचित्र मनसरा दक्षिण कोरियाको बिभिन्न शहरहरूमा प्रदर्शन गरिएको थियो । दक्षिण कोरियाको सौल, जेजु, जिन्जु र बुसान लगायतका सहरहरुमा चुम्लुङ्ले प्रदर्शन गरिनुका साथै अन्य केही शहरहरूमा सकृय संस्थाहरूलाई प्रदर्शनको लागि अधिकार दिइएको थियो।
व्यस्तताका बाबजुत पनि चलचित्रलाई सफल बनाइ दिएको प्रति चुम्लुङ कोरियाले आभार व्यक्त गरेको छ। साथै सहयोगी व्यक्ति तथा संघ/संस्थाहरु प्रति धन्यवाद ज्ञापन गरेका छन् ।
