विनोद सौदेनको नेतृत्वमा चुम्लुङ कोरियाको नयाँ समिति गठन
किरात याक्थुङ चुम्लुङ दक्षिण कोरियाको १३ औँ महाधिवेशन सम्पन्न भएको छ। नोभेम्बर ३ तारिख पूर्वी नेपाल समाजको हलमा सम्पन्न महाधिविशनले विनोद सौदेनलाई अध्यक्षमा सर्वसम्मत चयन गरेको छ। यसैगरी बरिष्ठ उपाध्यक्षमा मनोज मादेम्बा चयन हुँदा उपाध्यक्षमा बिरेन लिङ्देन, माङ्सालुङमा तुम्बापो , दुर्गा चेम्जोङ माबोहाङ , विराज ऐक्तेन , डम्बर केदेम , सरोज योङहाङ र रमेस लक्सम चयन भएका छन्।
नयाँ कार्यसमितीको महासचिवमा हर्क सुब्बा चेम्जोङ, सचिवमा डि बी योङ्हाङ, सचिवमा उत्तम कुमार लिम्बु रहेका छन्। यसैगरी कोषाध्यक्षमा बिरेन खेवा लिम्बु र सह कोषाध्यमा राजन सौदेन चयन भएका छन्। सदस्यहरुमा समिर योङहाङ , मणि संयङ लिम्बु , रण बा आङदेम्बे, सागर खजुम , रूपेस पालुङवा , चन्द्र लिम्बु , श्रेहाङ ईधिङगो धिरेन लिङज्याङ , बुद्धि वल लिम्बु , प्रकास सौदेन , दिल कुमार लिम्बु , रिस्ता सौदेन , सिर्जना नेम्बाङ र रचना सौदेन चयन भएका छन्। साथै चुम्लुङ कोरियाको १२ औँ कार्य समितीलाई विभिन्न क्षेत्रबाट सहयोग गर्ने व्यक्तित्वहरुलाई सम्मान पत्रद्वारा सम्मान गरिएको थियो।
आदिवासी जनजाति महासंघ कोरियाका अध्यक्ष विशन राईको प्रमुख आतिथ्य र चुम्लुङ अध्यक्ष दिर्ज काङ्भाको सभापतित्व रहेको अधिवेशनमा संरक्षक समसेर पंधाक, पूर्व अध्यक्ष सन्तोष मादेन, शुन्दरदीप आङ्देम्बे मिराक लिम्बू अग्नी र सल्लाहकार पवित्रा थेवे सम्मिलित ५ सदस्यीय निर्वाचन मण्डल रहेको थियो। महाधिवेशनमा कोरियामा रहेका सक्रिय सस्थाका अध्यक्ष एवम प्रतिनिधिहरुको वाक्लो उपस्थिति रहेको थियो।
