कोरियाबाट राम शर्माको “किन रुन हुन्न मर्दले” सार्वजनिक [भिडियो सहित]
नेपाली आधुनिक विधा अन्तर्गत उत्कृष्ट शब्द रचना गर्दै राम शर्माले “किन रुन हुन्न मर्दले” बजारमा ल्याएका छन् । विशेष गरी नेपाली गीतसंगीतको क्षेत्रमा अत्यन्त चर्चित हस्ती प्रमोद खरेलले यस गीतमा आफ्नो सुमधुर स्वर भरेका छन् ।
गीतको शब्द, संगीत र सुमधुर आवाजको साथै म्यूजिक भिडियो निकै नै रुचाइएको यस गीतमा गीतको शब्द निकै भावुक र मार्मिक छन् । रिलिज भएको एक दिन नबित्दै करिब २५ हजार दर्शकले हेरिसकेको यो गीत युट्युबमा निकै चर्चित हुने निर्माण पक्षले दावी गरेको छ ।
“किन रुन हुन्न मर्दले” गीतको शब्द रचना सिन्धुपाल्चोक घर भई हाल कोरियामा कार्यरत राम शर्माले गरेका हुन् । मारुनी डिजिटल स्टुडियोमा रेकर्डिङ भएको सो गीतमा एरेन्जमा विशाल निरौला, रेकर्डिस्ट सुमन राना र खुमन राना, मिक्स/मास्टरिङको जिम्मा कुमार रानाले सम्हालेका छन् ।
विक्रम बुढाथोकी, एलिना रायमाझी, शिवु पाण्डेय, दिनेश गोर्खाली र बालकलाकार अबिन तामाङको अभिनय रहेको यस गीतमा कथा निर्देशन विक्रम चौहान रहेका छन् भने लक्ष्मण शर्माले निर्माण गरेका हुन् । गीत RL CREATION नामक यूट्यूब च्यानल मार्फत नेपाली सांगीतिक बजारमा उपलब्ध छ ।
[भिडियो हेर्न तल को यूट्यूब लिंक क्लिक गर्नुहोला ।]
