कोरियाको मोक्फोमा पहिलो पटक चासोक तङनाम मनाईदै
लिम्बू समुदायको महान चाड चासोक तङनाम कोरियाको मोक्फो सहरमा मनाइने भएको छ। किरात याक्थुङ चुम्लुङ छल्लादो शाखाले पहिलो पटक चासोक मनाउन लागेको हो। कार्यक्रम डिसेम्बर २९ का दिन 영암근 मा हुने तय भएको छ।
चासोक तङनाममा लिम्बू जातिको मौलिक नाच केलाङ, यालाङ साथै मौलिक परिकार पनि रहने छ भने पालाम हाक्पारे जस्ता लिम्बू मौलिक गीतहरु पनि प्रस्तुत हुने अध्यक्ष गणेश लिम्बूले फोनिज कोरियालाई जानकारी गराएका छन्। गायन तर्फ पेपराज माबोहाङ, मन्दिरा नेम्बाङ, जितेन्द्र मेन्याङ्बो र निशान लिम्बू हुनेछन भने डिकी शेर्पा, रेश्मा राई, शोभा कुमाल र रविना राइको नृत्य समेत प्रस्तुत हुनेछ।
हरेक वर्षको मंसिर पूर्णिमाको दिन मनाइने चासोकमा पाकेको नयाँ अन्नबाली सर्वप्रथम पितृहरुलाई चढाएर मात्र ग्रहण गर्ने परम्परा रहिआएको छ
