दक्षिण कोरियामा सोनाम ल्होछार, तयारी पुरा

विगतका बर्षहरुमा झै यसपालि पनि दक्षिण कोरियामा सोनाम ल्होछार मनाउने भएको छ । मन्जुश्री सम्वत २८६१ औं डुक ल्हो (सला पुख्री ल्हो) सर्प वर्षको अवसरमा नेपाल तामाङ घेदुङ दक्षिण कोरिया केन्द्रलले सलनालको पहिलो दिन “दीर्घकालीन शैक्षिक कल्याणकारी कोष सहयोगार्थ ल्होछार बृहत सॉस्कृतिक कार्यक्रम-२०२५” को आयोजना गर्ने भएको हो । जनवरी २८ तारिखका दिन सौल स्थित एच. डाब्लु कन्भेन्सन सेन्टर  (H.W 컨벤션센터) मा कार्यक्रम हुने छ ।  

यसको लागि समुर्ण तयारी पुरा भएको अध्यक्ष राजाकुमार स्याङतानले फोनिज कोरियलाई जानकारी दिएका हुन् ।  ल्होछार कार्यक्रमका लागि नेपालबाट ख्यातिप्राप्त कलाकारहरु आउने बताएको छ । कलाकारहरूमा गायक विश्व दोङ, गायिका जितु लोप्चन, खन्दोके सेलो गायक आस्मान लोप्चन, गायक सुरेश लामा र म्हेन्दोमाया गायक कृति गोम्जा तामाङ रहेकाछन् । कार्यक्रममा दक्षिण कोरियालाई आफ्नो कर्मभूमी बनाइरहेका कलाकारहरु सुर्य रुम्बा, रिच्चा तामाङ ब्लोन, आशिस मोक्तान, मिलन दोङ, जोजो दोर्जे लगायतले पनि साँगितिक प्रस्तुति दिने छन् । साथमा मौलिक ड्म्फुरे गीता तथा सेलो डन्सको समेत प्रस्तुति रहने छ ।  

यसपालि सोनाम ल्होछारको मञ्चमा साहित्यिक (कविता, गजल, मुक्तक) वाचनको पनि समय रहेको जनाएको छ ।  त्यसैले कोरियामा रहेका तामाङ कवि तथा लेखकहरुले नाम दार्ता गर्न अनुरोध गरेको छ । आदिवासी मुद्धा, जीवन, मायाप्रेम, प्रवासको बसाई लगायत बिषयवस्तुका रचनालाई प्रथामिकता दिने जनाएको छ । 

“नेपालबाट आउने सबै कलाकारहरुको भिषा लगायतका सम्पूर्ण तयारी सकिएको छ । कार्यक्रमको तयारी पनि लग्भग सकेको छ र अन्य तयारीमा हामी सकृयाताका साथ लागिरहेका छौं ।” अध्यक्ष तथा कार्यक्रम मुल आयोजक कमिटिका संयोजक समेत रहेका स्याङतानले बताए । 

ल्होछार कार्यक्रमलाई भव्य र सभ्य बनाऊनका लागि कोरियामा रहनु हुने बुद्धिजीवी,  विभिन्न पेशामा आबद्ध व्यापारी व्यवसायी, सामाजिक अभियन्ता, पत्रकार, विद्यार्थी लगायत सम्पुर्ण कोरियाबासी तामाङ तथा गैर-तामाङ दाजु भाई तथा दिदि बहिनीहरुमा उपस्थितिका लागि घेदुङले अनुरोध गरेको छ ।  

दिनको ३:३० बजे देखि राती १० बजे सममा हुने कार्यक्रम स्थलमा पुग्नको लागि दोङ्देमुनबाट बसको व्यवस्था समेत रहेको जनाएको छ ।  

सन् २००३ मा स्थापना भएको घेदुङको ख्याङ्सान नाम्दो  बुसान र जेजु गरि दुई वटा शाखा रहेको छ । ख्याङ्सान शाखले जनवरी २९ तारिकमा र जेजुले ३० तारिखका दिन ल्होछार मनाऊने जनाएको छ ।  

“सोनाम ल्होछार कार्यक्रम”

मितिः २०२५ जनवरी २८ मंगलबार । (कोरियन चाड सलनालको पहिलो दिन) 

समयः दिनको ३:३० बजे देखि राती १० बजे सम्म .

स्थानः HW Convention Hall 컨벤션센터

사울특별시 종로구 자하문로 255(부암동 १६५-३)