कोरियामा रहेका दोलखालीको नेतृत्व दिपेन्द्रले गर्ने
सोल-दक्षिण कोरियाको सउलमा अगस्त २ तारिख बसेको दोलखालीहरुको हरुको भेलाले दिपेन्द्र अधिकारीको नेतृत्वमा १५ सदस्यीय दोलखाली समाज गठन गरेको छ ।
त्यस्तै उपाध्यक्ष पेम साङ्बो सेर्पा,सचिब रामजी श्रेष्ठ,सहसचिव सुबास भुजेल,कोषाध्यक्ष अमृत दाहाल,सह कोषाध्यक्ष अन्जित खत्री चुनिएका छन् |
सदस्यहरुमा तिलक खत्री, नबराज बस्नेत, अर्जुन खड्का, पशुपति कार्की पासाङ दावा शेर्पा मिङमा दोर्जी शेर्पा, किरण खड्का, राजकुमार दाहाल रहेका छन् |
कोरियामा रहेका दोलखा जिल्लाका नेपालीहरुलाई एक आपसमा जोडेर सामाजिक तथा जिल्ला विकासमा योगदान गर्ने उदेश्यले समाजको गठन गरिएको बताईएको छ ।
समाजको पहिलो भेलाले दोलखाली साईकल यात्री दिपक खत्रीलाई ६ लाख ५ हजार कोरियन वन प्रदान गरेको छ भने सुवनको आजु अस्पतालमा उपचार गराईरहेकी डोल्मा शेर्पालाई २ लाख कोरियन वन सहयोग समेत गरिएको छ ।
कार्यक्रममा एन आर एन कोरियाका उपाध्यक्ष रविन तामांग लगायतको आथित्यमा सम्पन्न भएको थियो | कार्यक्रमको अध्यक्षता पदम पाण्डेले गरेका थिए भने भेलाको संयोजन राम सुन्दर बस्नेतले गरेका हुन ।
