एनआरएनले नेपाली गीत, संगीतलाई नोरेबाङमा राख्ने पहल गरोस

सोल-विश्वव्यापी संजाल भएको भनेर चिनिएको गैर आवासीय नेपालीहरुको साझा सस्था एनआरएनको अहिले विभिन्न देशहरुमा अधिवेशन भैरहेका छ | कोरियामा पनि यही सेप्टेम्वर १२ र १३मा अधिवेशनको लागि मिति तोकिएको छ | मूलतः अधिवेशनमा वर्तमान कार्यसमितिले गरेका कार्यहरुको लेखाजोखा,आगामी कार्ययोजना तर्जुमा तथा नया कार्यसमितिको चयन गर्ने गरिन्छ | एनआरएन कोरियाको वर्तमान कार्यसमितिद्वारा नेपाल हाउस व्यवस्थापन लागि चलाइएको अभियानलाई कोरियास्थित धेरै नेपाली समुदायले सफल भएको आंकलन गरेका छन् |

यद्धपि नेपाल हाउसको नया व्यवस्थापन कहाँ पुग्यो, के हुदैछ र उक्त कार्यको लागि गरिएको अर्थ संकलनको हिसाब किताब पनि यसै अधिवेशनले पारदर्शी तवरले सार्वजनिक गर्ने छन् भन्नेमा विश्वस्त छन् | अधिवेशनको मिति नजिकै गर्दा विभिन्न पदका आकांक्षीहरुले सामाजिक संजाल र विभिन्न अनलाइन मार्फत आफ्नो उम्मेदवारी सार्वजनिक गरिरहेका छन् |अहिले सम्म अध्यक्ष पदका लागि आधा दर्जन र सबैभन्दा बढी उपाध्यक्ष्यका लागि करिब ३ दर्जन आकांक्षीहरुले आफ्नो उम्मेदवारी सार्वजनिक गरिसकेका छन|

घोषित उम्मेदवारहरुले सस्थाको शसक्तिकरण,नेपाल र नेपाली समुदायलाई हित हुने मेरो यस्तो योजना छ भनेर कुनै ठोस योजना भने ल्याउन सकेका छैनन् | यसले गर्दा कतै यो अधिवेशन पनि कर्मकाण्डी मात्रै हुने त होइन भनेर मतदाताहरुमा आशंका जन्मेको छ | सकेसम्म कार्यसमितिको नेतृत्व सहित सम्पूर्ण पदाधिकारीहरु सहमतिमा सर्व सम्मत भए हामी नेपालीहरु एक छौ है भन्ने एकताको संदेश प्रवाह हुने थियो |

तथापी सर्वसम्मत हुन नसके संसारले नै मानेको लोकतान्त्रिक विधि निर्वाचनमा जानुको विकल्प हुदैन | निर्वाचनलाइ स्वच्छ र मर्यादित बनाउने कार्य भने स्वयम उम्मेदवार,मतदाता तथा सरोकारवालाहरुको हो | एनआरएन कोरियाको अब निर्वाचित हुने नेतृत्व तथा कार्यसमितिले कमसे कम तपशिलमा ध्यानाकर्षण गराएका कार्यहरु गरेदेखि एनआरएनको महत्व र प्रभावकारीत अझ बढ्ने थियो भन्ने हामीलाई लागेको छ | तसर्थ हामीले विभिन्न पदका आकांक्षी उमेद्वरहरुको ध्यानाकर्षण गराउन चाहेको हौ | यस्तै ध्यानाकर्षण हामीले केहि महिनाअघि सम्पन्न एनसीसीको अधिवेशनमा पनि गराएका थियौ |

हाम्रो ५ बुदे ध्यानाकर्ष्ण यस प्रकार रहेको छ :-

१.एक अर्ब वन बबराबरको अक्षयकोष स्थापन गरी इपिएस कल्याण कोष यसको लागि नेपाल र कोरिया दुवै सरकारबाट सहयोग लिने र इ पी एस मार्फत रोजगारीमा आएकाहरुबाट विमा जस्तै मासिक निश्चित रकम जम्मा गर्ने | यसरी स्थापित कोषबाट कोरियामा बिभिन्न जटिल बिरामी हुदा .दुर्घटना, मृत्यु हुदा र नेपालमा सम्वन्धि परिवारलाइ बिभिन्न दैवी प्रकोप आइलाग्दा एउटा निश्चित मापदण्ड बनाइ राहत प्रदान गर्ने |अब आउने नेतृत्वले यो बारेमा पहल गर्न जरुरि छ यसकोलागी कोरियाम रहेका सबै सस्थाहरुलाई परिचालन गरि यस सम्बन्धि नीति नियम तर्जुमा गर्न दुवै सरकारलाई दवाव दिने |

२.नेपाली लोकगीत, संगीतलाई कोरियाको कुना कुनामा पुर्याउन हरेक नोरेबाङमा सबै किसिमका नेपाली लोक भाकाहरु(जस्तै सालैजो ,मारुनी, तामांग सेलो,देउडा आदि ) राख्न पहल गर्ने,

३.कोरिया र नेपालको दौत्य सम्बन्धलाइ जनस्तरमा व्यापक बनाउने |

४.नेपालमा कोरियन लगानी भित्र्याउन पहल गर्ने|

५.कोरियामा बढ्दो नेपालीहरुको आत्महत्या न्यूनीकरण लागि पहल गर्ने | आफ्नो घोषण र प्रतिवाद्दतामा यस्ता दूरगामी मुद्दा हरु उठने उम्मेदवारलाई निसन्देह हाम्रो सहयोग र समथन हुनेछ |

श्रीराम गुरुङ सचिव,

ओखलढुंगा सेवा समाज

दक्षिण कोरिया