कोरियाबाट आङकाजीलाई बिना शर्त रिहा गर्न माग

सोल-नेपाली संघिय समाज कोरियाले संघिय समाजबादी फोरम नेपालका केन्द्रीय सदस्य आङकाजी शेर्पालाई बिना शर्त तुरुन्त रिहाई गर्न नेपाल सरकारसंग जोडदार माग गरेको छ l

समाजले एक प्रेस बिज्ञप्ति जारी गर्दै भदौ १६ मा पक्राउ परेका संघीय समाजबादी फोरम नेपालका केन्द्रीय सदस्य तथा जनजाती महासंघका पूर्व महासचिव आङकाजी शेर्पालाई बिना शर्त र ससम्मान रिहा गर्न माग गरेको हो |

उनि शेर्पा स्वायत प्रदेशको बैठक सकेर निस्कदै गर्दा सादा पोशाकमा रहेको प्रहरीले बौद्धबाट बिना कारण बिना पुर्जी पक्राउ परेका थिए |

समाजले जारी गरेको बिज्ञप्तिमा आम नागरिकले शान्तिपूर्ण हिडन पाउने, स्वतन्त्र पुर्बक राजनैतिक विचार अभिव्यक्ति राख्न पाउने, मौलिक तथा मानब अधिकारको हनन भएको जनाउदै घटनाको घोर भर्त्सना गरेको छ l

फरक मत,फरक राजनीति विचार राख्दैमा, राजनीति पुर्बग्राही ढंगले नेपाल सरकारले प्रहरी प्रसासनको बलमा आङ काजी शेर्पालाई पक्राउ गरिएकोमा बिना शर्त तुरुन्त स-सम्मान नगरे परिणाम गम्भीर हुने समेत समाजले जनाएको छ | रिहाई गर्ने जोडदार माग गरिएको छ l नेपाल संघीय समाज द. कोरिया द्वारा जारी गरेको बिज्ञप्ती जनाईएको छ l