पहिले कोरियन भाषा समस्याले ईशारामा काम गर्ने लक्ष्मी गुरुङ अहिले दोभासेको काम गर्दै

कोरियामा नेपाली समुदाय बीच लक्ष्मी गुरुङ परिचित नाम हो | कोरियाको राजधानी सोल सोल स्थित दोङदेमुनमा गुरुङको रेस्टुरेन्ट र मार्ट संचालनमा छन् |

सन् १९९५ मा लुम्बिनी ओभरसिसवाट कोरिया प्रवेश गरेकी गुरुङले शुरुको दिनमा छन्नानको एक गार्मेन्ट कम्पनीमा काम गरेको बिगत सुनाउदै भनिन त्यो बेलामा भाषाको समस्या निकै भोगेको बताईन | संगै काम गर्ने कोरियनहरुले अंग्रेजी नबुझ्ने आफुले कोरियन भाषा नबुझ्ने सबै काम कुरा ईशाराको भरमा गर्नु पर्ने तितो अनुभव संगाल्दै अगाडी बढेकी गुरुङ अहिले कोरियन नागरिकसंग बिवाह गरेर आएर दु;खमा परेका नेपाली चेलीहरु देखि ईपिएस प्रणाली मार्फत कोरिया आएर बिबिध समस्या भोगेका नेपालीहरुको सुख दु:ख साथ दिदै दोभासे काम समेत गर्छिन |

सन् २००६ मा ब्यापार भिसा बनाएकी गुरुङले आफुमा अनुभव र दक्षता भएमा कोरियामा ब्यापार गर्न खासै गाह्रो नभएको सुनाउदै यहाँ सबै कुरा सिस्टममा चल्ने भएको हुदा पनि सहज भएको स्कारिन | विभिन्न संघ संस्थामा आवद्ध गुरुङ ब्यापारको व्यस्त समय निकालेर समाज सेवामा उत्तिकै सक्रिय छिन | कोरियन नागरिकसंग बिवाह गरेर आएका नेपाली चेलीहरुको कथा, ब्यथा नजिक देखि देखेकी गुरुङले दु:ख पाएका थुप्रै नेपाली चेलीहरुलाई उद्धार र सहयोग गरि सकेकी छिन | यसरी बिवाह गरेर आएका चेलीहरुमा प्रमुख समस्या रुपमा कम्निकेशनको रहेको गुरुङले अनुभव सुनाउदै बिदेशी केटी बिवाह गरेर ल्याउने कोरियन केटालाई पनि त्यस देशको भाषा र सस्कृतिको बारेमा थोरै मात्र भए पनि अध्ययन गर्ने ब्यबस्था मिलाउनु पर्ने सुझाव दिईन |

पछिल्लो चरणमा कोरियामा बढेको आत्महत्याको केशले गुरुङको पनि अरु नेपालीको जस्तै मन मुटु दुखेको छ र दुख्नु स्वभाविक पनि हो यसलाई रोक्न नेपाली दुतावासले आफ्नो ठाउबाट प्रयास जारी रहे पनि कोरियामा रहेका सबै संघ संस्थाले पनि साथ दिनु पर्ने बताउछिन | ईपिएसवाट आउने नेपाली मजदुरको उमेरको हदबन्दी नेपाल सरकारले २५ बर्ष देखि ४५ / ५० वर्षसम्म टोकी दिए कोरिया आएर बिबिध समस्या भोग्ने संख्यामा कमि आउने गुरुङको आकलन रहेको छ |

कोरियामा पहिले नेपालीहरुमा जुन एकता र सदभाव थियो | अहिले आएर त्यो एकता र सदभावमा आएको स्खलन देखेर गुरुङ चिन्तित छिन | पहिले एक नेपालीलाई दु:ख पर्दा सबै नेपालीको दु:ख सम्झेर पीडा साटासाट गर्ने चलन थियो अहिले त्यस्तो स्थिति नदेख्दा गम्भीर हुदै भनिन यो सबै नेपालमा देखिएको राजनीतिक अस्थिरताको परिणाम हो |

अन्त्यमा ईपिएस र बिबाह गरेर कोरिया आउन चाहने युवालाई सुझाव दिदै गुरुङले कोरिया भनेको कडा परिश्रम गर्नु पर्ने देश भएको हुदा नेपालवाट आउदा नै मानसिक र शारीरिक रुपमा तयारी गरेर आउन र कोरियन नागरिकसंग बिवाह गरेर आउन चाहने नेपाली चेलीहरुले कोरियाको रहन सहन कला , सस्कृतिको राम्रो अध्ययन गरेर आउनु पर्ने र सबै कोरियन धनी हुदैनन भन्ने हेक्का राख्दै सबै कुरा सोच , बिचार गरेर मात्र पाईला चाल्न भनिन |