लिम्बुवान संघर्ष समितिप्रति कोरिया चुम्लुङको ऐक्यबद्धता

सोल-किराँत याक्थुङ चुम्लुङ कोरियाले एक प्रेस बिज्ञप्ति जारी गर्दै चुम्लुङ केन्द्रिय कार्यालयको समन्वयमा विभिन्न संघियवादी राजनीति दल लगायत लिम्बुजन्य संघ संस्थाहरूको सक्रियतामा गठित ‘लिम्बुवान संयुक्त संघर्ष समितिको काम कर्तव्यप्रती ऐक्यबद्धता’ जनाएको छ |

अध्यक्ष सन्तोष मादेन र महासचिब उत्तम खजुमद्वारा हस्ताक्षर गरिएको बिज्ञप्तिमा बहुजाती,भाषा,भेषभुषा,लिपि,धर्म ,संस्कार संस्कृतिको धनी मूलुक नेपालमा लिम्बु जाति लगायत अन्य जातिको मौलिक अस्तित्व र पहिचानलाई किनाराकृत गर्दै जायज मागलाई बिना सम्बोधन अगाडि बढेको प्रती घोर आपत्ति जनाएको छ |

‘अन्तरिम संविधान २०६३ को मर्म अनुसार राज्यको पुनःसंरचना पिछडाइएका, विभेदमा पारिएकाको उत्थानमा हुनुपर्नेमा साथै संघिय प्रदेशहरुको सिमांकन र नामाकरण ऐतिहासिक पृष्ठभुमिको आधारमा हुनुपर्नेमा उक्त कुराहरुलाई पाखा लगाइ, राज्य उत्पीडित जाती वर्गहरुको भावना विपरित गएको हुनाले राज्यको यो नीरंकुश कदमप्रती कियाचु कोरिया कडा रुपमा भत्सर्ना गर्दछौं ।’ बिज्ञप्तिमा भनिएको छ |

बिज्ञप्ति हेर्नुहोस:-