किम्हेमा फुटबल प्रतियोगीता हुने
– अशोक पोख्रेल
किम्हे, प्रत्येक बर्ष आयोजना गरिदै आएको एक दिवसीय फुटबल प्रतियोगिता कोरियाको किम्हे शहरमा यसपाली पनी हुने भएको छ। प्रवासीहरूको सक्रिय सामाजिक संस्था किम्हे माइग्रेण्ट हाउसले प्रतेक बर्ष आयोजना गर्दै आएको यो प्रतियोगिता आउने नोभेम्वर १ आइतबारको दिन विहानबाट हुने भएको छ।
प्रतियोगिता गत बर्ष आयोजना भएकै स्थान अवाङदोङ फुटबल मैदान अर्थात 경상남도 김해시 어방동 ( 어방체육공원) मा हुने भएको छ। इन्जे विश्वविद्यालय नजिकै रहेको उक्त फुटबल मैदानमा जान किम्हेशहरबाट टियाक्सी प्रयोग गर्दा करिब १० मिनेट जति लाग्नेछ। नेपाली युबाहरूको बढी बाहुल्यता र सक्रियता भएको किम्हे माइग्रेण्ट हाउसले आयोजना गर्ने हरेक कार्यक्रम सफलतापुर्ण सम्पन्न हुने गरेका छन् भने गतशालको फुटबल प्रतियोगीता पनी भब्यरुपमा र सभ्य तरिकाले सम्पन्न भएको थियो।
कोरियाको बुसान- किम्हे क्षेत्रमा नै सबैभन्दा ठुलो मानिने उक्त प्रतियोगिताको प्रथम: पुरस्कार १० लाख वन, प्रमाणपत्र साथै कप रहेको छ। त्यस्तै दोस्रो ७ लाख वन, प्रमाणपत्र अनि उत्कृष्ट एक खेलाडीलाई १ लाख वनको ब्यबस्था गरिएको आयोजकले बताएको छ।
यस प्रतियोगितामा सहभागी हुने टिमहरूले यही अक्टुवर २५ सम्ममा आफ्नो टिम दर्ता गराइसक्नुपर्ने छ। प्रतेक सहभागी टिमले आफ्नो टिम दर्ता गराउँदा अनिवार्य रूपमा टिम क्याप्टेनको नाम र सम्पर्क नम्बर साथै खेलाडीहरूको विवरण पनी उपलब्ध गराउनुपर्ने भएको छ। प्रतेक टिमको दर्ता शुल्क : २ लाख वन रहेको छ। दर्ता गरिसकेको टिमले यदी दर्ता रद्द गर्नपरेमा खेलतालिका सार्वजनिक गरिनुभन्दा अगावै जानकारी दिनुपर्ने यदी खेलतालिका सार्वजनिक गरिसकेपछी टिम दर्ता रद्द गरेमा दर्ता शुल्क : फिर्ता नहुने आयोजकले बताएको छ।
यस प्रतियोगिताको खेलतालिका वा खेल टाइसिट अक्टोवर २७ तारिकमा सार्वजनिक गरिने भएको छ। प्रतियोगिताको ब्यबस्थापन पक्षको तयारी हुहै गरेको र टाइसिट निकाल्ने समय सम्ममा सबै तयारी पुरा हुने बुझिएको छ। यस प्रतियोगिताको बारेमा थप जानकारी लिन निम्न ब्यक्तिसंग सम्पर्क गर्नसकिने छ । १. के.वि.पुन – 01024732426
२.अनिस गुरूङ् – 01068986139
३. सुबास लामा – 01073146521
४. मिलन राई – 01021810977
टिम दर्ता शुल्क : बुझाउनको लागी निम्न विवरणको प्रयोग गर्नुपर्ने बताइएको छ। बैकं – NH ( 농협은행) खाता नं. 301-0148-481531 खातावालाको नाम – 김해이주민의집
बेलाबखतमा यसरी प्रतियोगिताको आयोजना गरेर वर- पर छरिएका नेपालीहरूलाई एकिकृत गर्दै, मनोरञ्जन दिलाउने आयोजक किम्हे माइग्रेण्ट हाउसलाइ धन्यबाद साथै प्रतियोगिता सफलताको कामना पनि ।
