म प्रेजेन्टमा विलिभ गर्छु – नायिका नम्रता श्रेष्ठ
म्युजिक भिडियोमा मोडलिङ गर्दा गर्दै ‘सानो संसार’ बाट नेपाली रजतपटमा डेब्यु गरेकी नम्रता श्रेष्ठ अहिले चल्तीकी नायिका हुन् | दर्जन भन्दा बढी चलचित्रमा अभिनय गरि सकेकी श्रेष्ठको जीवनमा विभिन्न आरोह- अवरोह आए पनि सफलताको शिखर चढ्दै छिन | सिनेमाको अलावा रेष्टुरेन्ट ब्यबसायमा समेत संलग्न श्रेष्ठको जीवनीमा आधारित उपन्यास पनि बजारमा आउदैछ | पछिल्लो चरणमा नेपाली चलचित्र क्षेत्रको अवस्था कस्तो छ त यसै सेरोफेरोमा रहेर फोनिजकोरियाका लागि निश्चल काउचाले नायिका श्रेष्ठ एक स्टेज कार्यक्रमका लागि कोरिया आउदा गरेको कुराकानी :-
तपाईको जीवनीमा आधारित उपन्यास आउदैछ भन्ने सुनिन्छ नी ?
हजुर मैले पनि सुनेको छु | उहाँले प्रकाशन गर्नु भन्दा पहिले भेटेर पढ्न दिन्छु भन्नु भएको छ | मैले पढी सके पछि मात्र प्रकाशन गर्ने अनुमति दिनेछु |
रेष्टुरेन्ट ब्यबसायी पनि हुनुहुन्छ | फिल्म र ब्यबसायको लागि समय संयोजन गर्न समस्या हुदैन ?
रेष्टुरेन्ट पार्टनरसिपमा चलाएका छौ | म नहुदा पनि उहाँहरुले हेर्नु हुन्छ | मेरो सुटिङ नहुदा मैले पनि हेर्छु | समय मिलाउन गाह्रो छैन |
नम्रता श्रेष्ठका पछिल्ला चलचित्र अपेक्षित रुपमा चलेका छैनन भनिन्छ नी ?
यस्तो छ | मेरो प्रोडुसरहरुले जति ईन्भेस्ट गर्नु भएको त्यो उठाउनु भएको छ | त्यसैले पनि म केही भन्दिन | फिल्म एउटा कलाकारले मात्र बनाउने होईन |
पछिल्लो चरणमा तपाईको नाम लाहुरे अर्थात आशिष रानासंग जोडिएर बाहिर आएको छ नी ?
पछिल्लो चरणमा होइन् ( हास्दै ) धेरै जनासंग जोडिएर आउछ | फिल्म लाईनमा धेरै जनासँग काम गर्नु पर्छ | काम गर्ने क्रममा नाम जोडिनु अनौठो होईन |
नम्रता श्रेष्ठलाई नेपाली चलचित्र क्षेत्रकी राम्रो नायिका भनिन्छ | फिल्म लाईनमा आउने सानै देखिको सपना थियो की?
हैन | मलाई सानो छदा चाईल्ड साईकोलोजिस्ट बन्ने मन थियो तर पछि म्युजिक भिडियोहरु खेल्न थाले | ‘सानो संसार’ मुभीको लागि अडिसन हुदा मलाई ईन्भाईट भएको थियो | त्यसमा म सेलेक्ट भए | सो स्टार्ट सिनेमा |
तपाईको जीवनमा केही कठिन मोडहरु पनि आए | ति मोडहरुलाई पार गरेर अघि बढी सक्नु भएको छ | अहिले आफ्नो जिन्दगी हेर्दा कस्तो लाग्छ ?
म पछाडी फर्केर हेर्ने गर्दिन | म प्रेजेन्टमा विलिभ गर्छु र प्रेजेन्टमै बाच्छु |
चर्चित नायिका भए पछि फ्यानहरु त टन्नै होलान नी |
काउन्टनै त गर्न पाएको छैन | फेसबुकमा फलोअरहरु बढी रहेको छ | कोरिया आए यहाँ पनि धेरै दर्शकहरु माया पाए | सो आइ एम ह्याप्पी |
बिवाह कहिले गर्ने योजना छ ?
अहिले त्यस्तो केही छैन | कामलाई नै फोकस गर्न चाहन्छु |
नेपाली चलचित्र क्षेत्रमा आउन चाहने युवापुस्तालाई के भन्नु हुन्छ ?
यु रियल्ली ईन्त्रेस्ट सुड वी प्रिपियर भन्न चाहन्छु | यो लाईनमा प्रोब्लमहरु आउन सक्छ | तपाईले सोचे जस्तो नहुन सक्छ | सो वी प्रिपियर वी स्ट्रोङ | वर्क हार्ड रेस्पेक्ट योर वर्क |
यो क्षेत्रमा शारीरिक र मानसिक शोषण गरिन्छ भन्ने हल्ला पनि सुनिन्छ | यथार्थता के हो ?
यो ठाउ भनेको यु हेयर टु वर्क | नट टु मेक फ्रेन्ड | सो तपाई आफ्नो काममा सेन्सियर हुनुहुन्छ भने नो वन स्टप यु | यहाँ सबैले वेलकम गर्नु हुन्छ |
नेपाली फिल्म नचल्नुमा कपि गरेर हो पनि भन्छन नी ?
त्यो चाहि म भन्न सक्दिन | यहाँ धेरै चिजहरु छन् | ‘मेरो एउटा साथी छ’ कोरियन फिल्मको कपि हो तर त्यो फिल्म सुपरहिट भयो | सो के भन्ने ? यो त्यो भन्नु भन्दा पनि राम्रो फिल्म बन्यो भने चल्छ जस्तो लाग्छ | त्यो कपि होस् या नहोस |
नेपाली सिनेमाको भविष्य कस्तो देख्नु भएको छ ?
म यहि क्षेत्रमा छु | यहि क्षेत्रमा केही गर्न खोजिराछु भने त पक्कै उज्वल होस् भन्ने चाहन्छु |
अन्त्यमा तपाईका दर्शक र फ्यानहरुलाई केही भन्न चाहनु हुन्छ की ?
अहिलेसम्म यति धेरै माया गर्दिनु भएको छ | आउदो दिनहरुमा पनि यसरी नै माया दिनु होला | पक्कै पनि म राम्रो – राम्रो प्रोजेक्टहरुमा काम गर्ने छु र तपाईहरुलाई ईन्टरटेमेन्ट गर्नेछु थ्याङक्यु सो मच |
