कोरियामा विदेशीले नि: शुल्क कानूनी परामर्श पाउने

सोल – अब देखि बिदेशीहरुले घरेलू , सिभिल , आपराधिक र श्रम मुद्धामा नि;शुल्क कानुनी सेवा पाउने छन् | यो सुबिधा सोमबार देखि लागु हुनेछ |

न्याय मंत्रालयले आईतबार जनाए अनुसार कोरियन सरकार र कोरियाली बार एसोसिएशन (KBA) द्वारा नियुक्त ५७ जना वकिलहरुले भाषाको कठिनाई र कानुनी परामर्शको लागि सहयोग गर्नेछन | यो कार्यवाट विदेशीलाई मद्धत मिल्ने अपेक्षा गरिएको छ |

कानूनी परामर्श सेवा पहिलो चोटी २०१३ मा शुरु गरिएको थियो | जुन गाउ वकिल प्रणालीको एक भाग हो |बिदेशीहरु कानूनी सहायता लिन नसकेको स्थितिलाई मध्यनजर गर्दै बिदेशीको लागि काउन्टी र गाउमा गाउ वकिल प्रणाली बिस्तार गर्ने निर्णय गरिएको न्याय मन्त्रालयले जनाएको छ |

यो सेवा परिक्षणका लागि शुरुमा बिदेशीको बाहुल्य रहेको सोल र अन्य महानगरका १० वटा जिल्ला र क्षेत्रमा ७ जना वकिलले शुरु गर्नेछन |

जसमा देरिम २ – दोङ्ग योङ्गदम्फु , ईथेवन – दोङ्ग योङ्गसान , ग्वाङ्गहुई – दोङ्ग जुङ्ग , हेवा -दोङ्ग जोंग्नो , चाङ्गसिन १ -दोङ्ग जोंग्नो सोल , देवोन – दोङ्ग ओसान , दानवोन सेओन्बु – २ आनसान , वोन्मी-गु बुछन ग्वाङ्गजेयोक – म्येयोन याङ्गजु र सुवन – ख्यंगगी रहेका छन् |

कुनै पनि विदेशीले यो सुविधा लिनको लागि हाई कोरिया (www.hikorea.go.kr) लगअन गरेर या १३४५ फोन गरेर सेवा लिने मिति तय गर्न सकिने छ र उक्त मितिमा दोभाषेको व्यवस्था गरि जनाईएको छ | यो सेवा २० वटा भाषामा उपलब्ध हुनेछ र कोरिया रहने सबै विदेशीले सेवा लिन पाउनेछन |

न्याय मन्त्रालयका अनुसार कोरियामा अगस्तसम्म बिदेशीको संख्या १८ लाख पुगेको छ | यो कोरियाको कुल जनसंख्याको ३.६ प्रतिशत हो | अघिल्लो साल मात्र १२ ००० विदेशी कामदारहरुले आफ्नो कार्यकाल सकेर पनि फेरी कोरिया आउनको निम्ति आवेदन दिएका थिए |