छैटौं ईपीएस परीक्षामा ८ हजार ४ सय उतीर्ण
सोल -छैटौं इपीएसको नतिजा बिहीबार सार्वजनिक भएको छ । इपीएस कोरिया शाखा निर्देशक डिल्लीराम बास्तोलाका अनुसार परीक्षामा ८ हजार ४ सय ९० जना उत्तीर्ण हुन् |
सहभागीमध्ये १९ दशमलव ५ प्रतिशत विद्यार्थी उत्तीर्ण भएको बस्तोलले फोनमा बताए । ती मध्ये उत्पादनमुलकतर्फ ५ हजार ८ सय १७ र कृषि तथा पशुपालन तर्फ २ हजार ६ सय ७३ जना उत्तीर्ण भएका छन् ।
उतीर्ण हुनेमा ७ हजार ७ सय ८९ पुरुष र १ सय १ महिला छन् । उनीहरुको मंसिरको पहिलो हप्तापछि स्वास्थ्य परीक्षण, रोजगार आवेदन दर्ता लगायतका प्रक्रिया सुरु हुने निर्देशक बास्तोलाले बताए ।
नतिजा www.epsnepal.gov.np र www.hrd.or.kr मा हेर्न सकिने इपीएस कोरिया शाखाले जनाएको छ ।
