भोजपुर परिवारद्वारा दुःख व्यक्त
गणेश आले
सोल-भोजपुर परिवार दक्षिण कोरियाले भीम कार्कीको निधनप्रति गहिरो दुःख व्यक्त गरेको छ।
जिल्लाको देउराली गा. वि.स. वडा नं 9 घर भई अढ़ाई वर्ष अगाडि ईपीएस प्रणाली मार्फ़त कोरिया प्रवेश गरेका कार्की गत हप्ता उनी कार्यरत कम्पनी भित्रै डोरीमा पासो लगाई झुन्डीएको अवस्थामा फेला परेका थिए । ऊनी छल्लाबुकदो स्थित छंग्गुपमा हाँसको मासु उत्पादन गर्ने कम्पनीमा कार्यरत थिए।
अत्यन्त मिलनसार एबं अनुशासित व्यक्तित्वका धनि कार्की आफ्नो र परिवारको सुनौला सपनाहरु पूरा गर्ने उद्देश्य बोकी कोरियामा कार्यरत रहदा अन्ततः जीवनदेखि नै हार खाई मृत्युको वाटो रोज्नु अत्यन्त दुःखदायी भएको भन्दै भोजपुर परिवार दक्षिण कोरियाले दुःख व्यक्त गरेको हो |
परिवारले मृत आत्माको चीर शान्तिको कामना गर्दै भगवानले शोक सन्तप्त परिवारमा धैर्य धारण गर्ने शक्ति प्रदान गरुन भन्दै मृतकको परिवारप्रति सहानुभूति प्रकट गरेको छ।
