कसैलाई फुलको बाटो मलाई भिर कस्ले बनायो ? – गजल

करेसाको फुलबारीमा पनी किन यति असमानता ।
मलाई गरिब उसलाई झन अमिर कस्ले बनायो ।

जता ततै भोक र प्यासको हडताल पो छ यहाँ ।
जिउनै नसकिने बन्दिको यो जंजिर कस्ले बनायो ।

मेरो पीडा मेरो बेथा तिमीलाई त के थाहा ।
जिन्दगी मेरो उतारिएको त्यो तस्बिर कस्ले बनायो ।

बाच्नु त छदै छैन मैले एकपल पनी तिमी सग ।
यो सृष्टी यो संसार नै आखिर कस्ले बनायो ।

तमासा हेरी रहन्छौ कति यो दुखियाको मात्रै तिमी ।
सधै यस्तै झुलाइरहने दोधार को जागीर कस्ले बनायो ।

कहिले खुसी आउछ कहिले दुःख सजिन्छ भन्थे म ।
यो जिन्दगी सधै ढलमल सधै अस्थिर कस्ले बनायो ।

कति गर्ब छ मेरो नेपाली चन्द्र सूर्य र झण्डाको ।
स्वाभिमानी मेरो यो देशको ठाडो सिर कस्ले बनायो ।