सेतिमादी साँस्कृतिक कार्यक्रमका लागि कलाकार छनौट |

सौल –

तनहुँ सम्पर्क समिति दक्षिण कोरियाद्वारा आउदो सलनाल २०१६ फेब्रुअरी ८ तारिख हुने सेतिमादी साँस्कृतिक कार्यक्रम भाग १ का लागि कलाकारको छनौट गरिएकोछ|साँस्कृतिक कार्यक्रमका लागि नेपालका ख्यातिप्राप्त कलाकारहरुलाई आमन्त्रण गरिएको कुरा तनहुँ सम्पर्क समितिका अध्यक्ष जगत थापा मगरले बताए|

साँस्कृतिक कार्यक्रमका लागि चर्चित पप गायक सुगम पोख्रेल,चर्चित पप तथा आधुनिक गायिका मेलिना राई,चर्चित लोक दोहोरी गायक रामजी खाण, चर्चित लोक दोहोरी गायिका सम्झना लामिछाने मगर र हास्यब्यङ्ग कलाकारमा कुमार कट्टेल (जिग्री ) र अर्जुन घिमिरे (पांडे) आउने भएका छन् साथै अतिथि कलाकारका रुपमा ख्यातीप्राप्त लोक गायक प्रेम राजा महत पनि आउने भएका छन्|

“ आपसी मेलमिलाप ,सद्भावना र सहभागिता आजको एकता नै प्रबाशीको आबश्यकता ” भन्ने मूल नारा सहित आयोजना गरिने साँस्कृतिक कार्यक्रमको मुख्य उद्देश्य भने तनहुँ जिल्लाको शिक्षा र स्वाश्थ्य क्षेत्रमा सहयोग गर्ने रहेको छ|

सेतिमादी सांस्कृतिक कार्यक्रम २०१६ फेब्रुअरी ८ तारिखका दिन सौलको दोंग्देमुन शहर नजिकै जोंग्नो ओ गा मा रहेको  फेकजु गीन्यम ग्वानको  हलमा अर्थात् गत छुसकमा म्याग्दी समाज समितिले आयोजना गरेको स्थानमा हुने भएको छ|

साँस्कृतिक कार्यक्रमकै तयारीका लागि, संस्थाद्वारा गरिएका कार्यहरुको जानकारी,साँस्कृतिक कार्यक्रमको उद्देश्यका बारेमा जानकारी र कोरियामा कार्यरत संस्थाहरुसंग हातेमालो गर्नको लागि आगामी डिसेम्बर २७ तारिख चियापान कार्यक्रमको आयोजना पनि नेपाल हाउसमा गरिएको छ|