सलनालमा कास्की परिवारको बृहत भेला हुने
सोल-“संगठित समूह नै प्रदेशको साहारा हो” भन्ने मुल नाराका साथ सन् २००८ मा स्थापित सम्पूर्ण कास्केलीहरुको साझा घर हो, कास्की परिवार । विगतका वर्षहरुमा सामाजिक तथा खेलकुद क्षेत्रमा सकृय रहदै विभिन्न कार्यक्रमहरु सम्पन्न गर्दै आएको कास्की परिवार भविष्यमा अझ अरु कसरी सकृय हुने र सम्पूर्ण कास्केलीलाई कसरी एकजुट बनाउने भन्ने मुख्य उद्देश्य राखी कोरियन नयाँ बर्ष सलनाल को अबसर पारी कास्की जिल्लाबाट आई यस प्रवासी भूमि दक्षिण कोरियाको विभिन्न क्षेत्रमा छरिएर रहनु भएका मजदुर, व्यावसायी, विद्यार्थी, खेलाडी एवं पारिवारिक भिषामा रहनु भएका सम्पूर्ण कास्केलीहरुको बृहत भेला तथा चियापान कार्यक्रम गरिने संस्थाका सचिब पुष्पराज तिमिल्सिनाले बताउनु भयो ।
गत २०१६–०१–१० तारिक आईताबारका दिन परिवारको मासिक नियमित बैठक राजधानी सउलको दोङ्गदेमुनमा अवस्थित पुजा रेष्टुरेन्टमा संस्था अध्यक्ष श्री खोम प्रसाद गुरूङको अध्यक्षतामा बसेको कार्यसमितिको पुर्ण बैठकले विभिन्न महत्वपूर्ण विषयहरुमा छलफल गर्दै विविध निर्णयहरु गरेको थियो । कास्की परिवारका सहसचिव श्री अमृत बास्तोला ज्यू हिन्दु जागरण अभियान दक्षिण कोरियाको अध्यक्ष जस्तो गरिमामय पदमा निर्वाचित हुनुभएकोमा वहाँको सफल कार्यकालको कामना र हार्दिक बधाई ज्ञापन गर्दै शुरु भएको मासिब बैठकमा अन्य विषयहरुमा पनि छलफल गरिएको थियो ।
उक्त बैठकले बृहत भेला तथा चियापान कार्यक्रम आगामी २०१६ फेब्रुवरी ७ आईताबारका दिन नेपाल हाउसमा गर्ने तय गरेको हो । उक्त बैठकमा कोरियामा रहने कास्केलीहरूको तथ्याङ्क संकलन को प्रगती बारे पनि छलफल भएको थियो । तसर्थ कोरियाको विभिन्न क्षेत्रमा छरिएर रहनु भएका विभिन्न पेशामा आवद्ध सम्पूर्ण कास्केली दाजुभाई दिदीबहिनीहरुलाई अनिवार्य उपस्थित भई बृहत भेलामा सहभागी भईदिनुहुन कास्की परिवारले हर्दिकताका साथ विनम्र अनुरोध गरेको छ ।
उक्त भेला तथा चियापन समारोहमा कास्की जिल्लाबाट दक्षिण कोरिया आई विभिन्न क्षेत्रमा सफलता प्राप्त गर्ने व्यक्तित्वहरूलाई सम्मान गर्ने पनि जनाईयको छ । साथै नेपाली स्वादमा खाजा एवं चियापान पनि गराईने कार्यक्रम रहेको अध्यक्ष गुरुङ्गले बताउनु भयो ।
