पुन समाज कोरियाको भेटघाट कार्यक्रम सम्पन्न |
सौल -कोरियन महान पर्व सलनालको पावन अवसर मा पुन समाज दक्षिण कोरिया द्वारा आयोजना गरिएको भेट्घाट तथा रमझम कार्यक्रम सोल तोङ्देमुन स्थित डि आर इन्टर्नेस्नल रेस्टुरेन्टको सभा कक्षमा भब्यताका साथ सम्पन्न भएको छ ।
पुन समाज दक्षिण कोरियाका अध्यक्ष नर बहादुर पुनको सभापतित्व र समाजका सचिब सुदिप गर्बुजा पुनको सन्चालनमा सम्पन्न कार्यक्रममा समाजका बरिष्ठ उपाध्यक्ष याद गर्बुजा पुनले उपस्थित सम्पूर्ण आगन्तुकहरुलाई स्वागत गर्दै शुभकामना ब्यक्त गरेका थिए भने समाजका कोषाध्यक्ष दिपक गर्बुजा पुनले समाजको आर्थिक बिबरण तथा सदस्यता पत्र बितरणको बारेमा प्रष्ट पारेका थिए । त्यस्तै समाजका सह-सचिब रिम चोचाङ्गी पुनले पुन समाज दक्षिण कोरियाको बारेमा छोटो जानाकारी गराएका थिए । प्रमुख अतिथि एन आर एन दक्षिण कोरियाका महासचिब दिपक पुनले हामी रमाइलोको साथै अरु बौद्धिक कामहरु पनि गर्दै गयौ भने पूर्ण रुपमा स्थापित हुन सक्ने बिचार ब्यक्त गर्दै शुभकामना र सुझाब दिएका थिए । पुन समाजका खेलकूद संयोजक पुस्कल पुनले अब आयोजना हुन लागेको भलिबल प्रतियोगितामा आफ्नो नेतृत्व गर्दै सहभागी जनाउने मन्तब्य राखेका थिए । त्यस्तै नेपाल आदिबासि जनजाती महासंघका महासचिब तथा नया शक्ति निर्माण अभियानका संयोजक तथा कार्यक्रममा अतिथि बलराम पुनले पुन समाज गठन भई सकेपछि पार्दशी रुपका काम गर्नु पर्ने सल्लाह दिएका थिए । अर्का अतिथि थकाली सेवा समाजका अध्यक्ष भरत तुलाचनले कोरियामा पुन समाजको स्थापना भई अगाडी आई रहेको अबस्थामा संस्थालाई सकृय रुपमा अगाडी बढाउन थुप्रै चुनौतिहरुको सामना गर्नु पर्ने बिचार ब्यक्त गर्दै हाल सकृय रुपमा अगाडी बढि रहेको संस्था नेपाल मगर संघ गणतन्त्र कोरिया संगको सहकार्य सहित सुमधूर सम्बन्ध राख्नु उचित भएको बताए । समाजका सल्लाह्कार घन फगामी पुनले पनि कोरियामा भएका सबै पुनहरुलाई एकजूट बनाउदै लैजानु पर्ने सल्लाह दिएका थिए । नेपाल मगर संघका कोषाध्यक्ष मनु रोकाले आर्थिक पक्ष बलियो बनाउदै सबै संघ संस्थाहरु संग सहकार्य गर्दै जांदा राम्रो हुने सुझाब दिएका थिए ।
अन्तमा पुन समाज दक्षिण कोरियाका अध्यक्ष तथा कार्यक्रम का सभापती नर बहादुर पुन ले कार्यक्रममा उपस्थित सम्पूर्ण महानुभाबहरुलाई शुभकामना र धन्यबाद दिनुका साथै कार्यक्रम ढिलो सुरु गरिएकोमा क्षमायाचना गरेका थिए ।साथै कोष निर्माणको लागि सबैले सदस्यता पत्र लिन आग्रह गर्दै गत हप्ता पोखरामा भएको नेहा पुन को हत्यारा लाई कडा कार्बाही गरिनु पर्ने माग राख्दै भेट्घाट तथा रमझम कार्यक्रमको पहिलो चरण समापन भएको घोषणा गरेका थिए ।दोश्रो चरणको कार्यक्रममा भएको खानपिन पश्चात मनोरन्जन कार्यक्रमको सन्चालन राज कुमार फगामी पुनले गरेका थिए भने कार्यक्रममा उपस्थित महानुभावहरुले बिहान तीन बजे सम्म भरपूर मनोरन्जन लिए ।
पुन समाज दक्षिण कोरिया चिनारी – बिगत केहि बर्ष देखि दक्षिण कोरियामा कार्यरत पुन समूदायका पुनहरुले पनि आफ्नो मौलिक पहिचानको आवश्यक्ता महसुस गर्दै सन २०१५ सेप्टम्बर २६ तारिखका दिन राजधानी सउलको तोङदेमुन स्थित नाकसान डाडांमा कोरियामा कार्यरत पुनहरुको बिशेष भेलाले म्याग्दी जिल्ला शिख गाबिस निवासी नर बहादुर पुन को अध्यक्षतामा १७ सदस्यीय कार्य समिति सर्वसम्मत चयन गरेको थियो । बिशेष गरि मगर जातीमा ६ उपथरका मगरहरु मध्य नेपालका बिभिन्न जिल्लाहरुमा वसोवास गर्ने पुन थरका मगरहरुको आफ्नै संस्कार,संस्कृति, भाषा र भेष भूषा रहि आएको छ । नेपालमा बिगत दशकौ देखि पुन समाज सकृय रुपमा कार्यरत छ । जसको माध्यमबाट आफनो पहिचान सहित संस्कार र संस्कृतिको जगेर्ना गर्दै आई रहेका छन । त्यसो त बेलायत लगायतका अन्य प्रवासी भूमिहरुमा समेत बिगत दश बर्ष देखि नै पुन समाजको स्थापना गरि समाज सेवाका विविध गतिबिधिहरु गर्दै आई रहेका छन । समाजका अध्यक्ष नर बहादुर पुनले समाज दक्षिण कोरियाको स्थापना पश्चात यस कोरियाली भूमिमा समेत समाजलाई सकृय रुपमा अगाडी बढाउंदै यहां रहेका सम्पूर्ण संघ संस्थाहरु संग आपसी सहयोग र हातेमालो गर्दै अगाडी बढ्ने लक्ष रहेको र कोरियामा रहेका सम्पूर्ण संघ संस्थाहरुलाई औपचारिक पत्र मार्फत जानाकारी गराउंदै रहेको जानाकारी दिनु भएको छ ।
