एनआरएनए जापानले आयोजना गरेको महजात्रा २०१५ को आयब्यय सार्वजनिक
कार्यक्रमबाट ४३ येन लाख बचत
शान्त पहरी फोनिज/जापान- गैरआवासीय नेपाली संघ (एनआरएनए )जापानले ५ करोड राशीको परोपकारी कोष स्थापनार्थ आयोजना गरेको महजात्रा २०१५ कार्यक्रमबाट ४३ लाख बचत भएको जनाएको छ ।शनिवार एक कार्यक्रमको आयोजना गरि एनआरएनए जापानले महजात्राको आयव्यय सार्वजानिक गर्दै कुल ४३ लाख १४ हजार ९७८ येन रकम वचत भएको जनाएको हो ।
एनआरएनए जापानको टोकियो सिनोओकुवो कार्यालयमा आयोजित कार्यक्रममा कोषाध्यक्ष दीपक थापाले टोकियोमा भएको कार्यक्रममा कुल ७४ लाख ९३ हजार आम्दानी भएको जानकारी दिनुभयो । कुल आम्दानी मध्ये एक लाख पचास हजार येन कान्साई क्षेत्रीय कमिटिद्धारा आयोजना भएको महजात्रा कार्यक्रमबाट संकलन गरिएको हो । यस्तै खर्च तर्फ ३१ लख ७८ हजार २२ येन खर्च भएको तथा विभिन्न प्रायोजकबाट करिव ८ लाख ३० हजार रकम संकलन हुन बाँकी रहेको बताउनु भयो ।
यस्तै फुकुओकामा आयोजना गरिएको कार्यक्रमबाट भने आम्दानी गर्न नसकिएको बताउनु भयो। विदेशमा रहदाँ नेपाली समुदायमा पर्ने आपतकालिन अवस्थामा सहयोगार्थ कोष स्थापनार्थ आयोजना गरिएको कार्यक्रमको शुरुवात चरणमा लक्ष्य गरिएको रकमको १० प्रतिशत मात्र रकम संकलन भएपनि यसले उर्जा थपेको एनआरएनए जापानका अध्यक्ष सुदन थापाले बताउनु भयो । आगामी वर्षभित्र पाँच करोड रकम लक्ष्य राखि शुरु गरिएको अभियानमा नयाँ कार्यक्रमहरु गर्दै जाने उहाँले बताउनु भयो ।
एनआरएनए जापानका महासचिव अनुज थापाद्धारा संचालित कार्यक्रममा एनआरएनए आईसीसी सदस्य ओम गुरुङ, पत्रकार महासंघ जापानका अध्यक्ष तिलक मल्ल, वीफर अल जापानका अध्यक्ष सरोजकुमार खत्री, कास्की पोखरा समाजका अध्यक्ष जेपी पण्डित, रुपन्देही समाज जापानका कार्यवाहक अध्यक्ष विनोद भुषाल, महासचिव काशीराम न्यौपाने, एनआरएनए जापानका सचिव बुद्धि घिमिरे लगायतको समारोहमा उपस्थिति रहेको थियो ।
