कोरियाले भाषा परीक्षा पास गरेका कामदारको छनोट थाल्यो , तीन चरणमा छानी सकिने
सोल – कोरियाले सन् २०१६ को पहिलो लटका लागि इपीएस भाषा परीक्षा पास गरेका नेपाली कामदारको छनोट सुरु गरेको छ । कोरियाको मानव संसाधन विकास विभागले आज साेमबारदेखि पहिलो चरणमा कृषितर्फ कोरिया लैजाने कामदार छान्ने काम सुरु गरेको हो ।
विभागले भाषा परीक्षा पास गरेका कामदारको ३ चरणमा छनोट गर्नेछ । आजदेखि सुरु भएको कृषि कामदारको छनोट एक हप्तामा सकिने इपीएस कोरिया शाखाका निर्देशक डिल्लाराम बास्तोलाले बताए ।
यस लगत्तै उत्पादनमुलक क्षेत्र काम गर्न जाने कामदार छान्न सुरु हुनेछ । जनवरी यता झण्डै सय जना कोरिया गइसकेका छन् । आगामी जुन महिनामा अर्को चरणको छनोट हुनेछ । त्यसको चार महिनापछि तेस्रो तथा अन्तिममा कामदार छानिने छन् ।
कामदार छान्न रोजगारदाता कम्पनीहरु सहभागी हन्छन् । उनीहले परीक्षा पास भएकामध्येबाट आफुलाई आवश्यक पर्ने कामदार भाषा छान्न पाउँछन् ।
सन् २०१६ को लागि भएको भाषा परीक्षामा ८ हजार ४ सय ९० जना उत्तीर्ण भएका थिए । उत्पादनमुलकतर्फ ५ हजार ८ सय १७ र कृषि तथा पशुपालनतर्फ २ हजार ६ सय ७३ जना उत्तीर्ण भएका थिए ।
सन् २०१७ को लागी आगामी असारमा अनलाइन आवेदन बुझ्ने र भदौमा परीक्षा गर्ने निर्णय भइसकेको छ
