कोरियामा पीएचडी गरीरहेका अरुणलाई फेलोसिप अवार्ड
सोल –सोल नेशनल युनिभर्सिटीमा कलेज अफ मेडिसिनमा फङ्सनल एण्ड मलिक्युलर ल्याबमा पिएचडी गरिरहेका अरुण गुप्ताले एशिया न्यु प्रेसिडेन्ट फेलोसिप अवार्ड पाएका छन् ।
बर्षमा ३ जना पिएचडीका विधार्थीलाई दिईने यो अवार्ड प्राप्त गर्ने उनी पहिलो नेपाली हुन् ।हालै आयोजित एक कार्यक्रममा युनिभर्सिटीका प्रेसिडेन्ट डा न्याक इन सङले उक्त अवार्ड उनलाई हस्तान्तरण गरेका थिए ।
विपि कोइराला स्वास्थ्य विज्ञान प्रतिष्ठानबाट मेडिकल इमेजिङमा विएस्सी गरेका उनले अल इन्डिया इन्सिच्युट अफ मेडिकल साइन्सबाट न्युक्लियर मेडिसिनमा मास्टर्स गरेका हुन् ।उदयपुर बेलटारका गुप्ता केही महिनाअघि मात्रै पिएचडीका लागि कोरिया आएका हुन् ।
