बौद्ध परिवार र दोसन्सा गुम्बाले शान्तिका लागि दिप प्रज्वलन गरे
फोनिज कोरिया सम्वाददाता
सउल, गत बैशाख १२ गते गएको बिनाशकारी महा भूकम्पबाट नेपालमा ७ हजार भन्दा बढीले ज्यान गुमाउन पुगे भने १४ हजार भन्दा बढी घाइते, १० हजार बढी घर तथा भवन पूर्ण रुपमा क्षति तथा १४ हजार बढी घर तथा भवनहरु आंशिक रुपमा क्षति सहित अरबौं रुपयाको धनमालको नस्ट भएको छ ।
यस दुखद अबस्थामा भूकम्पबाट पिडित नेपाल र नेपालीका शान्तिका लागि कोरियामा रहेको दोसन्सा गुम्बा र बौद्ध परिवारले गत आइतबार मे ३ तारिख मृतक आत्माको चीर शान्तिको कामना घाइतेहरुको शिघ्र स्वास्थ्य लाभको कामना गर्दै भग्नावशेसमा पुरिएकाको छिटो उद्दार र भूकम्पले पिडित महानुभाबहरुलाई धैर्य धारण गर्ने शक्ति मिलोस भन्ने कामना र प्राथना गर्दै शान्तिको दिप प्रज्वलन गरे ।
दिप प्रज्वलन कार्यक्रममा दोसन्सा गुम्बाका प्रमुख लामाहरु, बिभिन्न गुम्बाका लामाहरु तथा नेपाली दुताबासका महामहिम राजदुत कमानसिंह लामाको बिशेष उपस्थिति रहेको थियो भने बिभिन्न नेपाली सस्थाका प्रमुखहरु नेपाली सम्पर्क समिति कोरियाका अध्यक्ष लोचन राई, नेपाल आदिबासी जनजाती महासंघका अध्यक्ष भक्त शेरचन, बौद्ध परिवारका अध्यक्ष ईश्वर गुरुङ सहित पदाधिकारीहरु ,बाग्लुंग सम्पर्क समितिका अध्यक्ष यम श्रीस ,रुपन्देही सम्पर्क समितिका अध्यक्ष प्रितम गुरुङ र नेवा पुचका पदाधिकारीहरु ,थकाली समाजका अध्यक्ष भरत तुलाचन सहित अन्य नेपाली कोरियनको पनि बाग्लो उपस्थिति रहेको थियो ।
दिप प्रज्वलन कार्यक्रममा राजदुत लामाले यस किसिमको दुखद घडीमा भावना र सहयोग आदानप्रदान गर्ने कोरियन सरकार, नागरिक, बिभिन्न दातृसंस्था र कम्पनिहरुलाई बिशेष प्रसंसाको साथमा धन्यवाद ब्यक्त गरेका थिए ।
दोसन्सा गुम्बाले नेपालका भूकम्प पीडितका लागि राहत स्वरूप सहयोग गर्नको लागि ५०००० डलर सम्म बिभिन्न कार्यक्रम गरि सहयोग संकलन गरिने बताएको छ ।
