कोरियामा साकेला मनाइने

रोशन राई
सोल-किरात राई यायोख्खा कोरियाले यसपाली पनि भब्य रुपमा साकेला (उभौली) मनाउने भएको छ |
गत आइतबार जु निक कम्पनी लिमिटेडको भवनमा बसेको यायोख्खाको बैठकले आउँदो मे १७ तारिक आईतबारको दिन यसपालीको साकेला बिशेष रुपमा मनाउने निर्णय गरेको हो |

यायोक्खाका अध्यक्ष   दिनेश राईको अध्यक्षतामा बसेको बैठकले बिभिन्न प्रस्ताव हरु पारित गर्दै किरात राईहरुको सस्कृति,सस्कार सरक्षण गर्ने उद्धेश्यले  बिगतको बर्षहरु झै यो बर्ष पनि दक्षिण कोरियामा भब्य र सभ्यताको साथ साकेला (उभौली) कार्यक्रम गर्ने निर्णय गरेको थियो |
बैठकले कार्यसमिती बिस्तार गर्ने क्रममा सुश्री योङ्सेन राई र अनिल राईलाई केन्द्रिय सदस्यमा चयन समेत गरेको छ भने ,सल्लाहकार समितिमा शेषाहाङ राई, बहिन्द्र राई र रबिन राईलाई सर्वसम्मतिले चयन गरेको छ  ।
मे १७ मा हुने साकेला बिषेस कार्यक्रममा आकर्षक नगद तथा उपहार प्राप्त गर्न सकिने “चिट्ठा” को पनि आयोजना गरिनेछ ,भने उक्त चिट्ठा बाट सङ्कलीत रकमको ६० प्रतिशत नवगठित फुसान साखा कमिटिमा हस्तान्तरण गरिने भएको छ ।