कोरियामा बरिष्ठ इन्जिनियर श्रेष्ठलाई धराने सम्मान
![](https://www.fonijkorea.net/wp-content/uploads/2016/07/samman-675x450.jpg)
ऐश्वर्य श्रेष्ठ
सउल, दक्षिण कोरिया
धरान कोरिया सहयोग समितिले धरान उपमहानगरपालिकामा लामो समयदेखि कार्यरत वरिष्ठ ईन्जिनियर सुरज श्रेष्ठलाई सम्मान गरेको छ ।धरान उपमहानगर पालिकाका शहरी विकास योजना विभाग प्रमुख तथा वरिष्ठ ईन्जिनियर श्रेष्ठलाई धरानको पर्यटन प्रर्वद्धन तथा विकासमा पुराएको योगदानको कदर गर्दै समितिले सम्मान गरेको हो ।
शनिबार तुंगदेमुनस्थित नेपाली थाई रेष्ट्रोरण्टमा आयोजित भेटघाट तथा सम्मान कार्यक्रमपछि श्रेष्ठले धरान कोरिया सहयोग समितिले धरानको पर्यटन प्रर्वद्धन तथा विकासमा टेवा पुराउने हेतुले निर्माण गर्न लागेको धरान टावरको लागि सहयोग गर्ने प्रतिबद्धता व्यक्त गरे ।
धरान कोरिया सहयोग समितिका संरक्षक तथा सल्लाहकार डम्बर सुब्बा,किरांत याक्थुम चुमलुंग दक्षिण कोरियाका अध्यक्ष संतोष मादेन,बरिष्ठ उपाध्यक्ष गणेश लिम्बू लगायतको उपस्थिती रहेको थियो । सल्लाकार सुब्बाले धरानको विकासमा आफु लागीरहने बताए ।
कोरियामा रहेका धरानबासीहरुसंगको भेटघाटको अवसर पारेर समितिका वरिष्ठ उपाध्यक्ष गणेश तामांग र महासचिव ऐश्वर्य श्रेष्ठले वरिष्ठ ईन्जिनियर श्रेष्ठलाई सम्मान गरेका थिए ।