‘दोस्रो भानुभक्त स्मृति भलिबल रनिङ्ग कप २०१५’ को उपाधी स्याङ्जालाई
नोमराज गुरुङ
सोल– तनहुँ सम्पर्क समिति दक्षिण कोरियाद्धारा आयोजित ‘दोस्रो भानुभक्त स्मृति भलिबल रनिङ्ग कप २०१५’ को उपाधी स्याङ्जा परिवार दक्षिण कोरियाले उचालेको छ ।
आईतबार सोलको गुफाबाल स्थित उन्फ्यङ्ग खेलकुद केन्द्रमा सम्पन्न भएको अन्तिम फाईनल खेलमा उपाधीको दाबेदार मानिएको प्रतिद्धन्दी कास्की परिवारलाई हराउँदै स्याङ्जाले प्रतियोगिता विजयी गरेको हो ।
अन्तिम फाईनल खेलमा स्याङ्जाले कास्की परिवारलाई १७–२५, २५–२३ र २५–२२ को नम्बर अन्तरमा पराजित बनाएको थियो ।
‘दोस्रो भानुभक्त स्मृति भलिबल रनिङ्ग कप २०१५’ को उपाधी स्याङ्जाले १० लाख वन नगद पुरस्कार, पमाणपत्र, मेडल र ट्रफी प्राप्त ग¥यो ।
त्यस्तै प्रतियोगितामा दोस्रो भएका कास्की परिवारले नगद ७ लाख वन पुरस्कार, प्रमाणपत्र, मेडल र ट्रफी प्राप्त ग¥यो ।
प्रतियोगिताको सेमी फाईनलमा स्याङ्जा परिवारले म्याग्दी समाजलाई र कास्की परिवारले बाग्लुङ्ग सम्पर्क समितिलाई पराजित गरी फाईनल यात्रा तय गरेको थियो ।
त्यस्तै प्रतियोगिताकै दाबेदार मानिएको टिम म्याग्दी समाजले भने तेस्रो हुँदै नगद ४ लाख वन पुरस्कार, मेडल, प्रमाणपत्र र ट्रफी प्राप्त ग¥यो ।
‘दोस्रो भानुभक्त स्मृति भलिबल रनिङ्ग कप २०१५’ प्रतियोगितामा स्याङ्जा परिवारका नयाँ खेलाडी सुजन गुरुङ् उत्कृष्ट खेलाडी बन्दै नगद १ लाख वन पुरस्कार हात पार्न सफल भए ।
प्रतियोगितामा प्रथम, द्धितीय र तृतीय हुने टिम तथा उत्कृष्ट हुने खेलाडीलाई तनहुँ सम्पर्क समितिका सल्लाहकार गिरीराज कुँवर र म्याग्दी समाजका अध्यक्ष एवं भलिबल व्यवस्थापन समितिका अध्यक्ष मुक्ति केशीले पुरस्कार प्रदान गरेका थिए ।
भलिबल प्रतियोगितासँगै तनहुँ सम्पर्क समितिले आयोजना गरेको भाग्यशाली चिट्ठाको प्रथम पुरस्कार आईफोन सिक्स प्लस पाल्पाका भोज अधिकारीलाई परेको छ । त्यस्तै याम मगरलाई दोस्रो पुरस्कार क्यानोन डिजिटल क्यामेरा, गिरीराज कुँवरलाई तेस्रो पुरस्कार सामसुङ् एस फोर र सुमित्रा थापा, चन्द्र वाग्ले र सरिता नोपालीलाई सान्त्वना पुरस्कार सोलर लाईट परेको छ ।
पुरस्कार बिजेताहरुले १५ दिन भित्रमा तनहुँ सम्पर्क समितिसँग सम्पर्क गरी आ–आफ्नो पुरस्कार लिन समेत समितिले अनुरोध गरेको छ ।
एनआरएन कोरियाका अध्यक्ष बिनोद कुँवरले औपचारिक रुपमा उद्घाटन गर्नुभएको भलिबल प्रतियोगिता कार्यक्रमको अध्यक्षता तनहुँ सम्पर्क समितिका अध्यक्ष ललित थापाले गरेका थिए भने सञ्चालन सचिव सुनिल मल्लले गरेका थिए ।
प्रतियोगिता अवधीभर सेलरोटी, मासु, तरकारी लगायतका परिकारहरुको खानाको व्यवस्था समेत गरिएको थियो ।
