कोरियामा मजदुरको तलब बृद्धी अब सरकारले गर्ने
फोनिज कोरिया संवाददाता
सउल
कोरियामा मजदुरको तलब वृद्धीको लागि मजदुर संगठन र कम्पनी मालिकहरुवीचको वार्ता १२ औ पटक बस्दा पनि कुनै निश्कर्ष निकाल्न नसकेपछि अब सरकारको न्यूनतम ज्याला निर्धारण समितीले कम्तिमा ३.७५ देखि बढीमा १३.४५ सम्म बढाउने प्रस्ताब पेस गरेका छन् ।
यसभन्दा अघिल्लो बैठकमा रोजगारदाता कम्पनी मालिकहरुको आफूले ज्याला बढाउन पाउनुपर्ने माग सर्बसम्मतबाट अस्विकृत भएको थियो । त्यसैले अब सरकारको सो समितीले अर्को बैठकमा प्रस्तावीत प्रतिशत अनुसार ज्याला बृद्धी निर्धारण गरिने भनिएको छ । यदी यही आधारमा तलब बृद्धी गरिए अब प्रति घण्टा ६ हजार २ सय ५५ देखि ६ हजार ८ सय ४० वन हुने प्रवासी मजदुर संगठनका अध्यक्ष उदय राईले बताएका छन् । हाल प्रतिघण्टा ६ हजार ३० वन कायम छ ।
मजदुर र रोजगारदातको समेत सदस्य रहेको सरकारको सो समितीले सोही अनुसार तलब वृद्धी गरे पनि मजदुरहरुको १० हजार वनको माग कायमै रहने र आन्दोलन जारी नै रहने अध्यक्ष राईले बताए । मजदुर संगठनले प्रतिघण्टा १० हजार वनको माग गर्दै आएका छन भने रोजगारदाता कम्पनी मालिकहरुले अस्विकार गर्दै आएका छन्
