अनलाईन खुल्ला कविता प्रतियोगितामा खत्री पुरस्कृत
दक्षिण कोरियामा ईपिएस मार्फत रोजगारको शिलसिलामा कोरिया आएका कवि तथा सञ्चारकर्मी जीवन खत्री विश्व्यापी अनलाईन खुल्ला कविता प्रतियोगितामा पुरस्कृत भएका छन् ।
नेपाली भाषाका आदिकवि भानुभक्त आचार्यको २०३ औं जन्म जयन्तीको अवसरमा अन्तराष्ट्रिय नेपाली साहित्य समाज इजरायल च्याप्टर र गैर आवासिय नेपाली संघ, अन्तर्राष्ट्रिय समन्वय परिषदको संस्कृति, सम्पदा, भाषा तथा साहित्य प्रवर्द्धन समितिद्वारा आयोजित “अनलाइन कविता प्रतियोगिता २०७३”मा उत्कृष्ट ५ कवीहरु पुरस्कृत भएका छन् ।
जसमा पुरस्कृत हुनेहरुमा कवी जीवन खत्रीद्वारा रचित “बालुवाको मरुभूमिबाट” शिर्षकको कविता, इन्नोसेन्ट राजनको कविता “जुनेली र देश”, कवी विकाश अधिकारी ” शैलपुत्र” को रचनामा रहेको ‘सपनाहरुको अवतरण’ शिर्षकको कविता, सुबेन बम्जनको “देश बाँच्न चाहन्छ” शिर्षकको कविता र निलम निश्चल याक्थुङवाको “परदेशको पीडा” शिर्षकको कविता उत्कृष्ट ५ घोषणा भएका थिए ।
उत्कृष्ट ५ लाई नगद जनही ५ हजार रुपैया र प्रमाणपत्र प्रदान गरिने आयोजकले जानकारी दिएका छन् ।वुधवार आयोजित उक्त विश्वव्यापी अनलाईन खुल्ला कविता प्रतियोगितामा सय बढि कविताहरुबाट चयन गरिएका उत्कृष्ट ५ कविता छनौंट भएका थिए ।
अनलाईन मार्फत वाचन गरिएको कविताको वरिष्ठ साहित्यकार इन्दिरा प्रसाई र काव्य विशेषज्ञ डा। शैलेन्द्रप्रकाश नेपालले निर्णायक भुमिका निभाएका थिए ।कवि तथा गजलकार खत्रीको ‘मेरो शिखर टाढा छ‘ गजल संग्रह ९२०६५०, ‘जीवन कसका लागि‘ गजल संग्रह ९२०६९० प्रकाशित छन् ।
प्रखर युवा कवि खत्रीले यस अघि राष्ट्रव्यापी खुला गजल प्रतियोगिता राप्ती समाज, काठमाण्डौ २०६८, राष्ट्रव्यापी कविता प्रतियोगिता युवा तथा खेलकुद मन्त्रालय २०६९, अन्तराष्ट्रिय कविता महोत्सव नेपाली साहित्य प्रतिष्ठान, उत्तर अमेरिका, २०१२ जस्ता प्रतियोगितामा भाग लिएर पुरस्कार जित्न सफल भएका भैंसकेका छन् ।
