कोरियामा भानु जयन्ती र ‘अनेसास कोरिया पद्क ‘सम्मान
विदुर शर्मा
सउल
राष्ट्रियता तथा सांस्कृतिक चेतना जगाउने नेपाली वाङ्मयकै विराट् पुरुष आदिकवि भानुभक्त आचार्यको २०३ औँ भानु जयन्ती समारोह भव्यताका साथ मनाउने हेतुले अन्तर्राष्ट्रिय नेपाली साहित्य समाज, कोरिया च्याप्टरले रचना वाचन र सम्मान कार्यक्रम गर्ने भएको छ ।
भानु जयन्तीको अवसरमा उनको साहित्यिक योगदानको कदर गर्दै सिर्जनात्मक रचना वाचनका साथ भानुका श्लोक वाचन र गायन समेत गरिने र कोरियामा रहेर पनि नेपाली -भाषा साहित्य र कलाको संरक्षण र संबर्धनमा योगदान पुर्याउनु हुने केही नेपाली स्रष्टाहरुलाई ‘अनेसास कोरिया पदक’ ले सम्मान गरिने निर्णय भएको कुरा अनेसास कोरियाका संयोजक तथा महासचिव प्रमोद सार्ंगले जनाएका छन् ।
समय अभाव र व्यस्तताका कारण सबैको उपस्थिती हुन सकोस भनेर भानु जयन्तीको कार्यक्रम २४ जुलाई आईतवार सारिएको कार्यक्रमका सह्- संयोजक तथा सचिव विदुर शर्माले बताउनुभयो । कोरियाको राजधानी सौलमा रहेको दोङ्देमुन सिटी स्थित शुभेक्षा होटेलमा नेपाली कवि- साहित्यकार र कलाकारहरुको उपस्थितिमा ८ जना स्रष्टाहरुमा सम्मान -पत्र समर्पण गरिने भएको अनेसास कोरिया च्याप्टरका अध्यक्ष मनोज डाँगीले जनाउनुभयो ।
अनेसास कोरिया पदकबाट सम्मानित हुनेहरुमा कवि रमेश सायन, गीतकार गजलकार सुर्य खत्री’ घायल्’ र यल्जी विवश, गीत-संगीततर्फ सी.पी मगर,डी.आर अटु र सम लिम्बु छन् भने महिला साहित्यकारहरुमा मन्जु गुरुङ र कल्पना धरती रहेका छन्।
