किम्हेमा करिष्मा अर्थात कालो पोथी
किम्हे, करिष्माले अण्डा पारेपछि त्यहि अण्डा बेचेर पढौला भन्ने सपना बोकेका बालक हुन् प्रकाश –खड्गराज नेपाली) । दिदीले लुकाएर बचाइदिएकी पोथी हुन् करिष्मा । गाउँमा जनयुद्धको प्रभाव परेसँगै दिदीले भाइलाई दाइजो स्वरुप दिएको सेतो पोथी पालेर त्यसैको अण्डा बेचेर धेरै पढने सपना बोकेका प्रकाश र उनका साथी किरण –शुक्रराज रोकाया) को कथा हो चलचित्र कालो पोथी ।
प्रकाशको सपना पुरा गरिदिने पोथी अचानक बाबुले बेचीदिएपछि त्यहि पोथी फिर्ता गर्न गर्नुपरेको संघर्ष हो चलचित्र कालो पाथी । आफ्नो भविष्यसँग जोडिएको करिष्मा एउटा वृद्धले छ सयमा किनेको थाहा पाएपछि प्रकाश करिष्मालाई फिर्ता ल्याउन आफ्नो साथी किरणसँग धेरै जुक्ति लगाएर फिर्ता ल्याउछन् । तर पुनः पोथी खोसिने डरले सेतोपोथीलाई कालो रंग लगाइदिन्छन् । तर पोथीलाई एउटा गाउँबाट अर्को गाउँमा पुराइन्छ ।
कुखुरा पालेर अध्ययन गर्ने मुगुका बालबालिकाको मात्र कथा होइन यो समग्र ग्रामिण भेगका अधिकांश निम्नवर्गिय समाजको कथा हो । यहि कथालाई मुगुको सेरोफेरोमा रहेर द्धन्द्धकालिन समयमा जनताले भोग्नु परेको पिंडा, त्रास अनाहकमा निर्दोस जनता माओवादी र सेनाको चपेटामा परेको वास्तविकतालाई स्थानीय खस भाषा प्रयोग गरेर चलचित्र तयार पारिएको छ । त्यस्तै जात र वर्गका आधारमा भिन्नता रहे पनि प्रकाश र किरणले आफ्नो मित्रतालाई कसरी कायम राख्न सक्छन् भन्ने कुरालाई पनि चलचित्रमा देखाउन खोजिएको छ । मुख्य पात्रका रूपमा खड्गराज नेपाली र शुक्रराज रोकायसँगै जितबहादुर मल्ल, हंश खड्का, नन्दप्रसाद खत्री, बेनिशा हमाल, विपिन कार्की, प्रवीण खतिवडालगायतको अभिनय चलचित्रमा देख्न पाइन्छ ।
द्धन्द्धकालमा मुगुका जनताले भोगेको सास्तीसँगै दुई बालसखा प्रकाश र किरणको कथालाई लिएर युवा निर्देशक मिनबहादुर भावले तयार पारेको चलचित्र कोलो पाथी आइतबार कोरियाको किम्हे शहरमा प्रदर्शन गरियो । किम्हे माइग्रेन्ट खेलकुद समिति र परदेशी लाइफ डट कमको संयुक्त प्रस्तुतिमा प्रदर्शन गरिएको चलचित्र कालो पोथी हेर्न नेपाली दर्शकको उल्लेख्य उपस्थिति रहेको थियो ।
त्यस्तै २४ मा थेगुमा समेत प्रर्दशनी गर्न लागिएको उक्त चलचित्र गतवर्ष भेनिस अन्राष्टिय फिल्म फेस्टिभलमा क्रिटिक्स विधातर्फ उत्कृष्ट फिल्म घोषित भएपछि दर्शकमाझ बहुप्रतिक्षित बनेको थियो । बुसान अन्र्तराष्टिय फिल्म महोत्सवमा समेत छनोट भएको कोलो पोथीले द्धन्द्धको बीचबाट अघि बढ्दै मित्रताको कथा बोल्छ ।
चलचित्र प्रदर्शनबाट संकलित रकम खेल क्षेत्रको स्तरवृद्धि तथा परोपकारी अभियानमा खर्च गरिने आयोजकले जनाएको छ । चलचित्र प्रदर्शनको क्रममा नेपाल पत्रकार महासँघ कोरिया शाखाका अध्यक्ष खेम कार्कीलाई सम्मान समेत गरिएको थियो ।
