यसो गरे कसो होला ?
दावा शेर्पा
राष्ट्रिय अविष्कार केन्द्र्र हाम्रो मानव समाजले सभ्यतामा जतिको फड्को मारेको छ यदि भौत्तिक अविष्कार नभई दिएको भए यो संभव हुने थिएन। आज जति पनि विकसित राष्ट्रहरु छन् ती देशहरु भौत्तिक अविष्कारको सहायताले नै आज विकसित राष्ट्र भएका छन् भन्दा कसैको दुईमत नहोला।
एकाईशौं शताव्दिले नेटो काट्न लागि सकेको छ तर विडम्बना हाल सम्म हाम्रो मुलुक मा एउटा अविष्कार केन्द्र समेत स्थापना हुन सकेको छैन। आर्थिक अवस्था सवल भएका र क्षमता भएका डक्टर, वैज्ञानिक र ईन्जिनियरहरु त विदेशी भुमिमा विदेशलाई प्रगतिको बाटोमा लैजान बाध्य छन्। क्षमता भएर पनि आर्थिक अवस्था सबल नभएकाहरु आफ्नो क्षमतालाई कुणठित पारेर नेपाल मै बस्न बाध्य छन्। अनुसन्धान तथा अविष्कार जस्तो देशले गर्व गर्न सक्ने संस्था सरकारी स्तर बाट नै स्थापना हुनु पर्नेमा दु:खको कुरा हाम्रो देशको नेताहरुलाई आफ्नो र पार्टिको हित भन्दा अरु सोच्ने फुर्सद नै छैन।
कम्तिमा हाम्रो आफ्नै देशमा राष्ट्रिय अनुसन्धान तथा अविष्कार केन्द्रको माध्यमबाट प्राविधिज्ञहरु निर्माण गर्न सकेको खण्डमा भौत्तिक पुर्वाधारहरुको विकाशका लागि विदेशी प्राविधिज्ञलाई दिने मोटो रकम त विदेश तिर जान पाउदैन। राष्ट्रिय अनुसन्धान तथा अविष्कार केन्द्रको निम्ति तन-मन सहित दिलो ज्यान दिएर लाग्नु भएका हाम्रा आदरणिय महाविर पुन सर पटक पटक सरकारको ढोका चाहार्दा समेत कुनै प्रतिकृया नपाए पछि बाध्य भएर आज जनताको घर दैलोमा आउनु भएको छ।
हामिले हाम्रो लागि मात्रै नभएर हाम्रो सन्ततिहरुको निम्ति समेत पुन सरको सपना र हामिले देखेको सपना पुरा गर्न उहाँ लाई साथ दिन जरुरि छ। यो केन्द्र स्थापना गर्न थोरै पैसाले नपुग्ने हुनाले सम्पुर्ण नेपालिहरुले आफुले सकेको सहयोग गर्न जरुरि छ। थोपा थोपाले समुन्द्र बन्छ भने झै हाम्रो सानो सानो सहयोगले हाम्रो र हाम्रो आउने पिडिहरुको भबिष्य बन्छ भने हामिले किन सहयोग नगर्ने ? तसर्थ साथिहरु पुन सरले गरेको शुभ कार्यमा हामी कोरियामा वैदेशिक रोजगारिका लागि कार्यरत नेपालिहरुले समेत संगठित भएर आफुले सकेको केही सहयोग गरौ भन्ने मेरो धारणा हो।
तपाईहरुलाई मेरो विचार कस्तो लाग्यो ? सबैबाट तपाईहरुको प्रतिकृया को आशा गर्दछु। यदि राम्रो लागेको खण्डमा हामी पनि एउटा युनिट बनाएर छलफल गरेर आफुले सकेको सहयोग गरौं। ईच्छुक साथिहरुले मलाई सम्पर्क गर्न सक्नु हुनेछ। धन्यवाद!
