मैले यसरी पाए इ सेभेन ( E- 7) भिषा
इपिएस मार्फत काम गर्न दक्षिण कोरिया आएको ४ वर्ष २ महिना भयो सन्देश कुमार गुभाजु । इपिएसको प्रावधान अनुसार अब ८ महिनापछि उनी नेपाल फकर्नु पर्ने हो । तर दक्ष कामदारको रुपमा आफूले चाहेअनुसार कोरियामा परिवार सहित बस्न पाउने इ सेभेन( E- 7) भिषा प्राप्त गरेकाले उनी निकै शुखी छन् ।
इपिएसबाट कोरिया आई इ सेभेन ( E- 7) भिषा परिवर्तन गर्ने थोरै भाग्यामानी कामदारहरु मध्ये एक हुन सन्देश । इ सेभेन ( E- 7) भिष पाउन कसरी सफल भए त सन्देश । उनकै भनाइमा ।
मैले आन्सान स्थित मोटर पार्टस, वोल्डीइ० र आल्मुनिय लगायत फलाम सम्बनधी कम्पनीमा काम गरेको ३ वर्ष १० महिना भयो । एउटै कम्पनीमा लगातार ३ वर्ष काम गरेपछि इ सेभेन भिषाको लागि योग्य हुने भएकाले मैले नजिकैको हानगुग खिसुल देहाक्योमा गएर फर्म भेरे । हुन त इ सेभेनको भिषाको लागि अनलाइनमा र कुनै माइग्रेन्ट सेन्टरमा पनि गएर फर्म भर्न सकिन्छ ।
हुन त जनवरीमै मैले फर्म भरेको थिए तर नमिलेकोले परिक्षा दिइन पाइन । वर्षमा ६ पटक अथवा दुई महिनामा एक पटक फर्म भर्न पाउने भएकाले मार्चमा मैले फेरी फर्म भरे । १ महिना पछी एप्रिलमा परिक्षाको नतिजा आयो । मैले कोरियन भाषाको दोस्रो लेभल पास गरे । नजिकैको माइग्रेन्ट सेन्टरमा कोरियन भाषा पढन भर्ना भएको थिए । तर मेरो डियटी डे र नाइट परेकाले राम्रो संग पढन सकिन । त्यसैले २ वटा कक्षामा मात्रै बस्न सके । पुरानो प्रश्नका मोडलहरु हेर्दे घरमै १ घण्टा पढ्ने गर्थे ।
मैले फलाम सम्बन्धी कम्पनी (फुरी सान)मा काम गर्ने भएकाले दोस्रो लेभल पास गरे पनि पुग्ने भयो । तर प्लाष्टीक कम्पनीमा काम गर्नेहरुले भने आफ्नो पढाई सर्टिफीकेट पनि स्नातक तहको पेश गर्नु पर्ने र कोरियन भाषाको परिक्षा पनि तेस्रो लेभल पास गर्नु पर्ने हुन्छ ।
इ सेभेन भिषा प्राप्त गर्नको लागि एक महत्वपूण भाग तलब कर सहित वार्षिक ३ करोड १० वन हुनुपर्छ । मेरो एकाउण्ट पुरै चेक गरेपछि म यसमा पनि पास भए । यदी झूटो कागज पाएमा कम्पनी पनि बन्द र कामदारलाई पनि उनकै देश पठाउने प्रावधान रहेछ । यस्तो जोखिम काममा कम्पनीको सहयोग महत्वपूर्ण हन्छ । यसले पनि कम्पनी र कामदारवीचको सम्बन्धलाई प्रष्टाउट ।
हाम्रो कम्पनीबाट अहिलेसम्म काम गर्दा गर्दै इ सेभेन ( E- 7) भिषा पाउने पहिलो म नै परे । सय भन्दा बढी कामदार काम गर्ने कम्पनीमा दुई जनालाई यो भिषा दिलाउन सक्ने रहेछ ।कम्पनीको राम्रो सहयोग नपाए यो भिषा लिन सकिदैन । यसमा कम्पनीको पनि ठूलो हात हुन्छ । कामदारले परिक्षा जति नै राम्रो नम्बरमा पास गरेपनि कम्पनीले नचाहे यो भिषा पाउन सकिदैन ।
मेरो कम्पनीले मलाई कम्पनीसंग राम्रो सम्बन्ध भएको इमान्दार कामदारको रुपमा पत्र पठाएपछि बल्ल मैले इ सेभेन ( E- 7) भिषा प्राप्त गर्न सफल भएको छु । यो भिषा पाएपछि नोदोइ०बुसंग कुनै सम्बन्ध नहुने सिधै कम्पनीसंग मात्रै सिमित हुने रहेछ । यदी मैले अर्को ठाउँ काम गर्न मन लागे छाडेर ६ महिना भित्र काम खोजेर गर्न पाउने छु ।
उनकै भनाइलाई मन्जु गुरुइ०को लेखन
