सातौ इपिएस परिक्षाको नतिजा सार्वजनिक
फोनिज कोरिया संवाददाता
सउल
सातौ कोरियन भाषा परिक्षा इपिएसको नतिजा आज सार्वजनिक भएको छ । मानव स्रोत तथा संशोधन विकास केन्द्र (एचआरडी) कोरियाले सार्वजनिक गरेको नतिजाअनुसार कुल ३ हजार ५ सय १७ जना भाषा परीषामा उत्तीर्ण भएका छन्।
यस मध्ये २ हजार १ सय ४० जना कृषि तथा पशुपालनतर्फ र १ हजार ३ सय ७७ जना उत्पादनमूलक उद्योगतर्फ काम गर्न चाहनेहरु रहेको इपिएस कोरिया शाखाका निर्देशक डिल्लीराम बास्तोलाले बताए। यस मध्ये ३ सय ३४ महिला र ३ हजार १ सय ८३ जना पुरुष रहेका छन्।
गत असार चार र पाँच गते काठमाण्डौ र पोखरामा भएको परिक्षामा ५७ हजार १ सय ५९ जना समेल भएका थिए । एचआरडी कोरियाले यसभन्दा पहिला ३१ सय पास गराइने जनाएको थियो ।
परीक्षाको नतिजा http://www.dofe.gov.np मा हेर्न सकिने छ।
