कोरियामा टाटु बनाउदै लाखौ कमउदै नेपाली युवा
कोरिया आएका नेपाली युवाहरुमध्ये महिनाभरी साहुको काम गरेर लाखौ कमाउने त धेरै छन् तर वैकल्पीक पेशाको रुपमा आफ्नो शिप प्रयोग गरी लाखौ कमाउने कमै होलान । औलामा गन्न सकिने यस्ता शिपालु पौरखी युवा मध्ये एक हुन कमल थापा । उनी हाल कोरियामा टाटु बनाउने आफ्नो शिपलाई प्रयोग गरी लाखौ कमाउन थालेका छन् । हाल कोरियामा यसै पेशामा भ्याइ नभ्याइ छन् उनी ।
हप्ताभरी कम्पनीमा काम गर्छन । शनिबार र आइतबार दुई दिन टाटु बनाउन कोरियाको विभन्न शहर कहिले सउल त कहिले वुसान अनि कहिले थेगु र सुउन पुगी रहेका हुनछन् । फोनबाटै खवर आउछ टाटु बनाउने सामग्री लिएर त्यतै पुग्छन् । उनको बसाइ भने छल्लाबुक्तो गुनसानमा हो । उनी एक वाइल्डीइ० कम्पनीमा काम गर्दै आएका छन् । हुन त उनी ९ वार्ष अघि नै कोरिया प्रवेश गरेका थिए । मुनड्रप म्यानपावरबाट पहिला कोरिया प्रवेश गरेका थापा ३ वर्ष पछि नेपाल फर्के ता पनि सिवीटी परिक्षा दिएर पुनह कोरिया आएका हुन । एउटै कम्पनीमा लामो समयदेखि काम गर्दै आएकाले हप्ताको २ दिन विदा पाएकोले पनि उनको टाटु बनाउने व्यवसाय फस्टाउदो छ ।
काम गर्ने शिलशिलामै एक थाइल्यान्डका साथीसंगको संगतमा टाटु सिक्न पुगे । नेपालमै चित्रकला सिकेका थापालाई कलाप्रति ज्ञान र चासो भएकैले होला टाटु सिक्न निकै मद्यत पुग्यो । हालसम्म करिब २ सय जनालाई आफूले टाटु बनाएको सुनउछन् । टाटु बनाउने उनका ग्रहकहरु नेपालीहरु मात्र नभएर कोरियन, भियत्नामी र थायीहरु पनि छन् । कोरियनहरुले टाटु बनाउदा विषेश गरी ड्राइगन, माछा र फूल बनाइमाग्ने गर्छन भने नेपालीहरुले चही बुद्धको चित्र धेरैले बनाइ मागेपनि प्रेमिका, पत्नी र आमाको नाम साथै रक एण्ड रोल जस्ता टाटु पनि बनाउने गरेको थापाले सुनाए ।
टाटु बनाउदा प्रतिघण्टा ५० हजार कोरियन वन लिने गरेता पनि नेपालीहरुलाई भने अलि कमै लिने गरेको पनि थापाले सुनाए । ठूलो चित्र बनाउ परेमा ३ देखि ४ घण्टासम्म लाग्ने भएकाले पारिश्रमीक पनि १ लाख ५० हाजर वन लिने गरेको उनले बताए । यसरी एक हप्तामा दुई दिनको छुट्टीमा कम्तिमा पनि ४।५ जनाको बनाउने भएकाले हप्ताको ४ देखि ५ लाख कोरियन वन आय हुने गरेको थापाले खुलाए ।
नेपाल भैरहवा घर भएका थापा टाटु बनाउे शिपलाई नै कोरियामा आगामी दिनमा व्यवसाय बनाएर अघि बढ्ने योजनमा छन् । यसको लाइसेन्स लिएर कोरिया कै एक ठाउमा कार्यलय खोली इच्छुकहरुलाई सिकाउदै टाटुकै व्यवसाय अपनाउने प्रकृयाको खोजीमा छन् उनी । नेपालमा टाटु सिक्न महंगो हुने भएकाले कोरिया आएका नेपालीहरुलाई यसको प्रशिक्षण दिने इच्छा रहेको पनि उनले सुनाए ।
