साउदीको आर्थिक संकटबाट नेपाली कामदार प्रभावित
फोनिज कोरिया संवाददाता
साउदी अरब
हाल साउदी अरबमा बढ्दो आर्थिक संकटबाट यहाँ कार्यरत नेपाली कामदारहरु पनि प्रभावित भएको नेपाली राजदूताबास साउदी अरबले जनाएको छ । कतिले रोजगारी नै गुमाएका छन् भने धेरैले लामो समयदेखि तलब पाउन नसकेको गुनासो दूताबासमा आउने गरेको बताइएको छ ।
हालै बन्द भएको एक कम्पनीमा कार्यरत सिर्जलाल राउतले भने आठ महिनादेखि तलब नपाएको र खाना पनि दिन छाडेको छ , हामी नेपाल फर्कन चाहन्छौ । हालसम्म दूतवासमा ७३ जना नेपालीको निवेदन परेको खुलाउदै कम्पनी बन्द भइ अलपत्र परेका कामदारहरुलाई नेपाल फर्काउने प्रयास भइरहेको राजदूत आनन्द प्रशाद शर्माले बताउनुभयो । महावाणिज्य दूतावासले समस्यामा परेकाहरुलाई खानाको व्यवस्था गरेको पनि राजदूत शर्माले बताए ।
कच्चा तेलको मूल्यमा लगातार आएको गिरावटका कारण साउदी अरबको अर्थतन्त्रमा हाल समस्या परेको छ । जसका कारण सरकारी परियोजनामा काम गर्ने केही नेपाली कामदारले विगत तीन चार महिनादेखि तलब पाउन नसकेको गुनासो सुनिन थालेको छ ।
साउदी अरबमा कार्यरत भारतिय, पाकिस्तान लगायतका देशले पनि अलपत्रपरेका आफ्ना नागरिकहरुलाई नपाएका तलब लिने र स्वदेश फकाउने प्रयास गरिरहेका छन् । उनीहरु संगै नेपालीहरुलाई पनि स्वदेश फर्काउने प्रयास भइरहेको जनाइएको छ ।
