नयाँ शक्ति कोरियाले सउलमा हजारौ कार्यकर्ता उतार्ने दबी
सउल,
नयाँ शक्ति कोरियाको प्रवाश संगठन अन्तराष्ट्रिय नेपाली समाज कोरियाले छुसकमा आफ्नो कार्यक्रम सफल पार्न हजारौ कार्यकर्ता र समर्थक हरुलाई सउलमा उतार्ने दबी गरेको छ । शुरुवातिका दिन देखिनै आक्रामक रणनीति अपनाउदै आएको नयाँ शक्तिलाई निकै चासोका साथ हेरिएको थियो भने हाल आफ्नो संगठनलाई कोरियाभर फैलाएर १६ तारिकमा हुने बृहत खुल्ला भेलाको लागि अन्तिम तयारीमा जुटेको नयाँ शक्ति कोरियाका संगठन विभाव प्रमुख राजु श्रीले जनाए ।
सेप्टेम्बर १६ तारिख कोरियाको राजधानी सउलमा हुने बृहत खुल्ला भेलामा डा. बाबुराम भट्टराइले नयाँ शक्ति पार्टी स्थापनाको औचित्य बारे प्रष्ट पार्दै समृद्द नेपाल निर्माणमा प्रबाशी युवाहरुको भूमिका सम्बन्धमा खुल्ला अन्तरक्रिया गर्ने कार्यक्रम समेत रहेको छ l १६ तारिकको कार्यक्रममा अनिबार्य उपस्थित हुन आफ्ना सम्पूर्ण कार्यकर्तालाई नयाँ शक्ति कोरियाले ह्विप समेत जारि गरेको छ l
कोरियामा नयाँ शक्तिको ८ सय सस्थापक सहित २ हजार भन्दा बढी कार्यकर्ता रहेको छन् भने कोरियालाई ६ क्षेत्र सहित २ उपक्षेत्रमा विभाजन गरिएको छ । बैकल्पिक राजनीतिक धारको रुपमा उदाएको नयाँ शक्तिलाई राजनीति वृतमा निकै चासोका साथ हेरिएको छ । मौलिकतामा आधारित बाद र समय सापेक्ष एजेन्डालाई आफ्नो मुद्दा बनाएका कारण युबा बर्गको आकर्षण समेत ह्वात्तै बढेको संगठन विभाव प्रमुख राजु श्रीको भनाई छ ।
जेठ ३० मा काठमाडौंमा भब्य उद्घाटन भए पश्चात नयाँ शक्तिले निर्वाचन आयोग पुगेर बैधानिक रुपमा दल दर्ता समेत गरिसकेको छ भने प्रबाशमा रहेका आफ्ना संगठनलाई क्रियाशील बनाउन सामाजिक संजाल मार्फत नियमित अनलाइन बैठक तथा राजनीतिक प्रशिक्षन समेत दिदै आएको छ l नयाँ शक्तिले हालसम्म ३० भन्दा बढी राष्ट्रमा आफ्नो संगठन बिस्तार गरिसकेको छ l
