प्रथम राईजिगं नेपाल कप २०१६ फुटबल प्रतियोगिता उल्सानमा

प्रथम राईजिगं नेपाल कप २०१६ फुटबल प्रतियोगिता उल्सानमा आयोजना गरिने भएको छ । सेप्टेम्बर २५ मा आयोजना गरिने उक्त प्रतिष्पर्धाका लागि सेप्टेम्बर एक देखि १८ सम्म टिम दर्ताको मिति तय गरिएको छ भने टाईसिट सेप्टेम्बर २० मा प्रकाशित गरिने छ ।
राईजिग नेपाल एफ सि र उल्सान एकता समाजले आयोजक रहेको उक्त प्रतिस्पर्धा सम्पन्न गर्नका लागि फिलिप गुरुङको प्रमुखकतामा १८ सदस्य खेल व्यवस्थापन समिति गठन गरिएको उल्सानबाट व्यवस्थापन सदस्य आरसी अधिकारी जानकारी गराए ।
उल्सानमा पहिलो पटक गर्न लागिएको फुटबल प्रतिस्पर्धामा प्रथम हुनेले १६ लाख वन र सिल्ड प्रमाण प्राप्त गर्नेछन । त्यस्तै दोश्रो टिमले ८ लाख वन र सिल्ड प्रमाणपत्र हात पार्नेछन । उत्कृष्ट खेलाडीले ५० हजार वन तथा प्रमाणपत्र र उत्कृष्ट गोलरक्षकले ५० हजार वन तथा प्रमाणपत्र प्राप्त गर्नेछन । सर्वाधिक गोलकर्ताले ५० हजार वन तथा प्रमाणपत्र पुरस्कार स्वरूप प्राप्त गर्नेछन ।
खेल सबै नक आउट चरणको हुने र तिन मैदानमा खेल गरि एकै दिन सम्पन्न गरिने आयोजकले जनाएको छ । प्रतियोगितामा २० बढी टिम समाबेश हुने आयोजकले अनुमान गरेको छ ।