मर्स्याडंदी च्यामपियन कप प्रतियोगिताको उपाधि धरान एफ सिलाई
फोनिज कोरिया संवाददाता सोल-लमजुंग परिवार कोरियाले आयोजना गरेको प्रथम मर्स्याडंदी च्याम्पियन कप फुटबल प्रतियोगिताको उपाधि धरान एफ सि ले जितेको छ ।
सोयोसान खेल मैदानमा आइतबार सम्पन्न भएको टुर्नामेन्टको फाईनलमा पुगेका धरान एफसी र एभरेष्ट एफसी बीच प्रतिस्प्रर्धात्मक खेल भई रहेको अवस्थामा सेकेण्ड हाफ टाईम पछि धरान एफसीका स्ट्राईकर विजय लिम्बुले एक गोल लगाई एभरेष्ट एफसीलाई शुन्यको बिरुद्ध १ गोलले धरानएफसीले पहिलो उपाधीको बाजी जितेको हो ।
प्रवासी एकता फुटबल बिकास र नेपालमा गएको भुकम्प पिडित राहत सहयोगको लागि आयोजना गरेको प्रतियोगितामा कोरियामा रहेको बिभिन्न १४ टिमको सहभागिता रहेको थियो।प्रतियोगितामा बिजेता टिमलाई शिल्डसहित नगद १५ लाख वन, मेडल र प्रमाणपत्र र उपबिजेता टिमलाई शिल्ड ८ लाख वन, मेडल र प्रमाण प्राप्त गरेको छ ।
प्रतियोगितामा बेष्ट प्लेयरमा बिजय लिम्वु (धरान एफसी)सर्वाधिक गोलकर्ता बिनोज राई (एभरेष्ट एफसि)उत्कृष्ट गोलकिपर शरन राई (धरान एफसि)उत्कृष्ट डिफेन्डर पंकज लामा (लम्जुंग एफसि) उत्कृष्ट मिडफिल्डर बिक्रम लिम्बु (एभरेष्ट एफसि)उत्कृष्ट फरवार्ड प्रशान्त (धरान एफसि)का खेलाडीले कप र प्रमाण पत्र पाउन सफल भएका छन् ।
श्रम सहचारी अनिल गुरूड र तमु धीं कोरियाको अध्यक्ष सुरज तमुको बिशेष अतिथित्यमा औपचारिक उद्दघाटन भएको थियो भने कोरियामा रहेका बिभिन्न संघ संस्थाका प्रतिनिधिहरूको उपस्थिति रहेको लमजुंग परिवार कोरियाका सचिव मेघप्रसाद वाइबाले बताए ।
